A1News.am-Զկռտոցը ստոծանու կծկումներով պայմանավորված բավական տհաճ խնդիր է, որը սովորաբար անուշադրության է մատնվում ու չի վերագրվում վտանգավոր որևէ խանգարման, սակայն մասնագետները նախազգուշացնում են, որ ոչ բոլոր դեպքերում է զկռտոցն անվնաս։ Լինում են դեպքեր, երբ հասարակ զկռտոցը հուշում է շատ վտանգավոր հիվանդության մասին, ուստի այն ոչ մի դեպքում չի կարելի անտեսել։
Ինչպես ընդգծում է բժիշկ Թիմոթի Փֆաները, գոյություն ունի տևական զկռտոցի երկու տեսակ՝ կայուն և դժվար բուժվող։ Կայուն զկռտոց է համարվում ցանկացած զկռտոց, որը տևում է ավելի քան 48 ժամ, սակայն ոչ ավելի քան 30 օր։ 30 օրից ավելի պահպանվելու դեպքում զկռտոցը համարվում է դժվար բուժվող։
Փֆաներն ընդգծում է, որ տևական զկռտոցը բավական լուրջ խնդիր է հիվանդի մոտ վտանգավոր հիվանդություն կասկածելու համար։ Նրա խոսքով՝ կայուն կամ դժվար բուժվող զկռտոցը կարող է հուշել սրտամկանի հատվածում զարգացող բորբոքման մասին։ Բացի այդ, այն կարող է նախազգուշացնել սրտամկանի ինֆարկտի կամ գլխուղեղի կաթվածի բարձր հավանականության և նույնիսկ քաղցկեղի որոշ տեսակների մասին։
«Երբեմն մենք դժվար բուժվող զկռտոց ենք հայտնաբերում գլխուղեղի քաղցկեղ, ավշային հանգույցների քաղցկեղ կամ ստամոքսի քաղցկեղ ախտորոշումով հիվանդների մոտ», – նշել է մասնագետը՝ հավելելով, որ երբեմն այս խնդիրը կարող է հուշել նաև պարանոցի քաղցկեղի կամ խպիպի (зоб) մասին։
