A1News.am-Հեշտոցի քորը շատ տհաճ ինտիմ խնդիր է, որը կարող է խիստ բացասաբար անդրադառնալ կնոջ կյանքի որակի վրա: Նման քորի պատճառ կարող է հանդիսանալ ինչպես նոր մաքրող միջոցի գործածությունը, այնպես էլ սնկային վարակը, ուստի խնդրից ազատվելու համար հարկավոր է նախ դիմել բժշկին, քանի որ միայն մասնագետը կկարողանա պարզել քորի պատճառն ու նշանակել համապատասխան բուժումը:
Այնուամենայնիվ, կան որոշ միջոցներ, որոնք կօգնեն էլ ավելի արդյունավետ դարձնել, բուժումն ու ազատվել տհաճ զգացողություններից:
Կերակրի սոդա
Ամերիկացի գիտնականների հետազոտությունը ցույց է տվել, որ կերակրի սոդան օժտված է հակասնկային հատկություններով, որոնք թույլ են տալիս բուժել մաշկի սնկային ախտահարումներն ու այլ խնդիրները: Մեկ այլ հետազոտություն էլ ցույց է տվել, որ սոդան ոչնչացնում է կանդիդա սնկերը, որոնք էլ հանդիսանում են հեշտոցի սնկային վարակի հիմնական պատճառներից մեկը: Սնկային վարակից ու դրա տհաճ ախտանշաններից ազատվելու համար մասնագետները խորհուրդ են տալիս կերակրի սոդայի լուծույթով լոգանք ընդունել՝ լոգանքի ջրին ավելացնելով քառորդ բաժակ կերակրի սոդա:
Յոգուրտ
Պրոբիոտիկներով հարուստ յոգուրտը նպաստում է հեշտոցում օգտակար բակտերիաների աճին, իսկ դրանք ոչնչացնում են սնկերն ու մեղմում քորը: Բրիտանացի գիտնականներն ապացուցել են, որ մեղրի ու յոգուրտի համարդրությունը որպես մաշկի դիմակ օգտագործելու դեպքում կարելի է ազատվել սնկային վարակներից և անգամ էկզեմայից:
Կոկոսյան ընկույզի յուղ
Հնդիկ գիտնականները եկել են այն եզրահանգման, որ կոկոսյան ընկույզի յուղը նույնպես կարող է ոչնչացնել կանդիդա սնկերը, ուստի այն կարելի է կիրառել հեշտոցի մշակման համար:
Ճիշտ հիգիենա
Մարմնի այս հատվածի սխալ հիգիենան նույնպես կարող է տհաճ քորի պատճառ դառնալ: Նման դեպքերում հարկավոր է հետևել հիգիենային ու արտաքին սեռական օրգանները լվանալ ջրով ու օճառով: Մասնագետները հորդորում են օգտագործել բացառապես բուրավետիչ նյութեր չպարունակող օճառ ալերգիկ ռեակցիաներից ու վարակներից խուսափելու համար: Ընդ որում՝ անգամ այս դեպքում օճառի գործածությունը չի կարելի չարաշահել:
Նոր սափրիչի գործածություն
Սափրիչները կարելի է օգտագործել հինգ անգամ, որից հետո դրանք հարկավոր է անպայման փոխել: Հակառակ դեպքում սայրերը բթանում են, ինչը հաճախ դառնում է արտաքին սեռական օրգանների հատվածում վնասվածքների ու բորբոքումների պատճառ, ինչը հաճախ է ուղեկցվում քորով ու տհաճ զգացողություններով:
Նյութի աղբյուրը՝ Medikforum.ru
