A1News.am Անքնության դեմ պայքարելու եւ քնի որակը բարելավելու համար անհրաժեշտ է ֆիզիկական ակտիվություն՝ աերոբիկ եւ ուժային վարժություններ: Այսպիսի խորհուրդ է տվել հոգեբան Գայ Մեդոուզը (Մեծ Բրիտանիա):
Ինչպես գրում է Vogue ամսագրի բրիտանական կայքը, հետազոտությունները ցույց են տալիս, որ աերոբիկ եւ ուժային վարժությունները շատ օգտակար են քնի համար:
«Աշխատեք շաբաթական 2,5 ժամ աերոբ ակտիվություն (օրինակ՝ հեծանիվ քշել կամ արագ քայլել) կամ 75 րոպե ինտենսիվ աերոբ ակտիվություն (օրինակ՝ վազք կամ պարեր) ունենալ»,- ասել է հոգեբանը:
Սակայն մասնագետը խորհուրդ է տալիս սպորտով զբաղվել ոչ ուշ, քան քնելուց 2 ժամ առաջ: Իսկ երեկոյան մարզվելուց հետո նա խորհուրդ է տալիս տաք ցնցուղ կամ լոգանք ընդունել՝ հանգստանալու եւ մարմնի ջերմաստիճանը իջեցնելու համար:
«Ցանկացած ակտիվություն կամ մարզում ավելի լավ է, քան ոչ մեկը: Մի հետազոտության ժամանակ, որին մասնակցում էին անքնությունից տառապող մարդիկ, ֆիզիկապես ակտիվ խմբի մոտ բարելավվեց քնի որակը եւ տեւողությունը, նրանք սկսեցին ավելի արագ քնել, քնի արդյունավետությունը բարձրացավ՝ վերահսկվող խմբի համեմատ»,- ասել է մասնագետը:
