A1News.am-Կրեմլի մամուլի ծառայությունը հայտնում է, որ ՌԴ նախագահ Պուտինը զանգահարել է Թուրքիայի նախագահ Էրդողանին, ով հայտնել էր, որ վարակվել է կորոնավիրուսով։
«Հարգելի պարոն նախագահ, սիրելի ընկեր, ցանկանում եմ անկեղծորեն սատարել Ձեզ եւ Ձեր տիկնոջը: Վստահ եմ, որ Ձեր հատուկ էներգիան եւ ոգու տոկունությունը կօգնեն ամենասեղմ ժամկետներում հաղթահարել վիրուսը», ասել է Պուտինը:
ՌԴ նախագահը հավելել է, որ ի սրտե ցանկանում է Էրդողանին ու նրա տիկնոջը լիարժեք ապաքինում ու երկար տարիների ամուր առողջություն, տեղեկացնում է Կրեմլի կայքը:
«Եռակողմ» ձեւաչափերով աշխարհի տարբեր շրջաններում համատեղ հանցանքով կապված Պուտինը եւ Էրդողանը դողում են միմյանց առողջության համար։ Նրանք, ըստ ԶԼՄ-ների, տառապում են գրեթե նույնական հիվանդություններով, ինչն ավելի է մերձեցնում նրանց։
