A1News.am-Ուկրաինայի նախագահ Վլադիմիր Զելենսկիի խորհրդականը հայտնել է, որ Ռուսաստանի և Ուկրաինայի միջև «հենց այս պահին» բանակցություններ են ընթանում։ Այս մասին հայտնում է Ռիա Նովոստի կայքը՝ հղում անելով Reuters-ին։
Բելառուսում արդեն երեք փուլով բանակցություններ են ընթացել ՌԴ-ի և Ուկրաինայի միջև՝ հարաբերությունների կարգավորման համար։ Երկրորդ փուլի ընթացքում կողմերը փոխըմբռնում են ձեռք բերել քաղաքացիների տարհանման, սննդամթերքի և դեղորայքի առաքման համար մարդասիրական միջանցքներ ապահովելու շուրջ։ Ավելի ուշ Զելենսկիի գրասենյակի ղեկավարի խորհրդական Միխայիլ Պոդոլյակը հայտնել էր, որ Ռուսաստանի և Ուկրաինայի պատվիրակությունների միջև բանակցությունները շարունակվում են տեսաֆորմատով, և ստեղծվել են հատուկ աշխատանքային խմբեր։
Գործակալության զեկույցում չի նշվում, թե որ խորհրդականն է հայտնել այս տեղեկությունը։
Ռուսաստանը փետրվարի 24-ին ռազմական գործողություն է սկսել Ուկրաինայում։ Նախագահ Վլադիմիր Պուտինը դրա նպատակն անվանել է «մարդկանց պաշտպանությունը, ովքեր ութ տարի շարունակ ենթարկվել են Կիևի ռեժիմի կողմից բռնությունների և ցեղասպանության»: Դրա համար, ըստ նրա, նախատեսվում է իրականացնել «Ուկրաինայի ապառազմականացում և ապաազգայնացում», պատասխանատվության ենթարկել բոլոր ռազմական հանցագործներին, ովքեր պատասխանատու են Դոնբասում «քաղաքացիների դեմ արյունալի հանցագործությունների համար»։ Ռուսաստանի Դաշնության պաշտպանության նախարարության տվյալներով՝ զինված ուժերը հարվածներ են հասցնում միայն ռազմական ենթակառուցվածքներին և ուկրաինական զորքերին, խաղաղ բնակչությանը ոչինչ չի սպառնում։ Ռուսաստանի Դաշնության զինված ուժերի աջակցությամբ ԴԺՀ և ԼԺՀ խմբավորումները առաջխաղացում առաջխաղացում են ապահովում: Բայց Ուկրաինայի օկուպացիայի մասին խոսք չկա, ընդգծել է Ռուսաստանի նախագահը։