A1News.am-Մահացել է բրազիլացի հայտնի դերասան Իսահակ Բարդավիդը։ Նա 90 տարեկան էր։ Այս մասին հայտնում է Globo.com-ը։
Բարդավիդն աշխատել է որպես դուբլյաժի դերասան և նկարահանվել հեռուստասերիալներում։ Նա առավել հայտնի է «Ստրկուհի Իզաուրա» հեռուստասերիալում Ֆրանսիսկի դերով:
Հայտնի է, որ արտիստը կյանքից հեռացել է երեքշաբթի՝ փետրվարի 1-ին։ Նրա մահը հաստատել է թոռը՝ Ջոան Բարդավիդը։
«Նա շնչառական խրոնիկ հիվանդությունից առաջացած բարդություններ ուներ, և սիրտը չդիմացավ։ Թոքերի կրիտիկական վիճակ… Նա շատ վատ էր շնչում, իսկ օքսիգենացիայի արագությունը ցածր էր»,- ասել է նա։
Դերասանը մահացել է բրազիլական կլինիկաներից մեկում։ Ընկերներն ու հարազատները նրան հիշում են որպես շատ լավատես անձնավորության, ով վերջերս բազմաթիվ փորձությունների էր ենթարկվել։
