A1News.am-Ռուսաստանի նախագահ Վլադիմիր Պուտինը այսօր Նովո-Օգարյովոյում բանակցություններ է վարել Հայաստանի վարչապետ Նիկոլ Փաշինյանի հետ։
«Իհարկե, մեր ուշադրության կենտրոնում կլինեն անվ-տшնգnւթյшն հարցերը, այդ թվում՝ Ղարաբաղի հետ կապված։ Ձեզ հետ համաձայն եմ, խնդիրներ շատ են մնացել։ Մենք ձեզ հետ անընդհատ կապի մեջ ենք՝ եթե ոչ ամեն շաբաթ, ապա ամեն 10 օր հաստատ հեռախոսազրույց ենք ունենում։ Եվ պարբերաբար հանդիպումներ ենք ունենում, չնայած որ համավարակի շրջան է։ Ուրախ եմ ձեզ տեսնել, բարի գալուստ»,- ասաց Պուտինը։
ՌԴ նախագահը նշեց, որ Հայաստանի և ՌԴ-ի միջև կնքվել է ավելի քան 200 համաձայնագիր, որը ստեղծում է լավ հնարավորություն աշխատելու գրեթե բոլոր ոլորտներում, որից ամենանշանակալին տնտեսական ոլորտն է։
Ինչպես ավելի վաղ հայտնել էր Կրեմլի մամուլի ծառայությունը, հանդիպմանը նախատեսվում է քննարկել Մոսկվայի և Երևանի միջև ռшզմшվшրшկան գործընկերության և դաշինքի երկկողմ հարաբերությունների հետագա զարգացման արդիական հարցեր։ Բացի այդ, կքննարկվի 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի Լեռնային Ղարաբաղի վերաբերյալ պայմանավորվածությունների կատարման ընթացքը, ներառյալ՝ տարածաշրջանում տնտեսական և տրանսպորտային կապերի վերականգնման միջոցառումները։
Առանձին-առանձին, ինչպես և սպասվում էր, առաջնորդները կքննարկեն նաև իրադարձությունները Լեռնային Ղարաբաղի շուրջ։
