A1News.am-Այսօր՝ դեկտեմբերի 14-ին, խոշոր ավտովթար է տեղի ունեցել Կոտայքի մարզում։ Ժամը 16։00-ի սահմաններում Գառնի գյուղի սկզբնամասում բախվել են Կոտայքի մարզի բնակիչներ՝ 59-ամյա Անահիտ Ի-ի վարած ՎԱԶ 2121 մակնիշի և 41-ամյա Աղվան Մ-ի վարած ՄԱԶ մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Նիվայի վարորդն ու նրա ուղևոր՝ Կոտայքի մարզի բնակիչ, 54-ամյա Վարդան Ս-ն մարմնական վնասվածքներով տեղափոխվել են թիվ 1 համալսարանական հիվանդանոց։
Վիրավորները, մինչև հիվանդանոց տեղափոխվելը, օպերատիվորեն ժամանած Գառնի գյուղի բուժամբուլատորիայի բժիշկների կողմից առաջին բուժօգնությունն են ստացել։
