A1News.am-Հայտնի հետաքննող լրագրող Խրիստո Գրոզեւը, հղում անելով ռուս-ուկրաինական բանակցություններին մոտ կանգնած աղբյուրներին, Թվիթերի իր էջում գրել է, որ Ռուսաստանն Ուկրաինայից պահանջում է ճանաչել այսպես կոչված Դոնեցկի եւ լուգանսկի հանրապետությունների անկախությունը, ճանաչել Ղրիմի ռուսական պատկանելությունը, ինչպես նաև վարչապետ նշանակել «Ընդդիմադիր պլատֆորմ կյանքի համար» կուսակցության ղեկավար Յուրի Բոյկոյին։ Նրա խոսքով՝ Վլադիմիր Զելենսկին կտրականապես հրաժարվել է Ռուսաստանից։
Մինչ այս, ՌԴ-ն խոսում էր «դենացիֆիկացիայի», այսինքն՝ Ուկրաինայում ամբողջական իշխանափոխության եւ Կիեւում խամաճիկ իշխանության հաստատման մասին, որը պետք է ստորագրի Ուկրաինայի կապիտուլյացիան։
Նշենք, որ «Ընդդիմադիր պլատֆորմ կյանքի համար» կուսակցությունը պրոռուսական միավորում է, որն առաջնորդում են Բոյկոն եւ Պուտինի մերձավոր, Ուկրաինայի հարցով նրա ոչ պաշտոնական խորհրդական Մեդվեդչուկը։ Այս կուսակցությունը Ուկրաինայի խորհրդարանում ունի 44 մանդատ, բացահայտ հանդես է գալիս Ռուսաստանի ծրագրերի, մասնավորապես Ղրիմի եւ Դոնբասի ճանաչման օգտին։
