A1News.am-Այսօր՝ հունվարի 26-ին, առանձնակի դաժանությամբ սպանություն է տեղի ունեցել Լոռու մարզում: Ժամը 10:00–ի սահմաններում ոստիկանության Լոռու մարզային վարչություն ահազանգ է ստացվել, որ Վանաձոր քաղաքի Տիգրանյան փողոցի 5/1-1 հասցեում ՝ լոգարանում, կնոջ դի կա:
Ինչպես հայտնում է ֆոտոլրագրող Գագիկ Շամշյանը, նշված հասցե են ժամանել ոստիկանության և քննչական բաժնի խմբերը, ովքեր նշված տան լոգարանում հայտնաբերել են տանտիրուհու՝ 70-ամյա Ալվարդ Քարամյանի մասնատված դին: Տան բակում էլ հայտնաբերվել են սպանվածի ոտքերը:
Ըստ նախնական տեղեկությունների՝ պարզվել է, գիշերը սպանվածի ամուսինը՝ 77-ամյա Վրեժ Քարամյանը իրենց տանը սուր- կտրող գործիքներով առանձնակի դաժանությամբ սպանել և մասնատել է Ա. Քարամյանին:
Փաստի առթիվ Հայաստանի քննչական կոմիտեի Լոռու մարզային քննչական վարչությունում ՀՀ քր օր-ի 104 հոդվածի 1-ին մասի հատկանիշներով հարուցվել է քրեական գործ: Լոռու մարզի ոստիկանները Վանաձորում փորձում են կարծիք ձևավորել, թե իբրև իրենք տաք հետքերով հայտնաբերել են սպանություն կատարած կասկածյալ Վ. Քարամյանին, մինչդեռ վերջինս ինքնէ ինքնակամ ներկայացել իրավապահներին: Քննիչի որոշմամբ Վ Քարամյանը ձերբակալվել է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
