A1News.am-Այսօր գլխի շրջանում մահացու հրազենային վիրավորում ստացած20-ամյա Մհեր Հովհաննիսյանը Գեղարքունիքի մարզի Զովաբեր համայնքից էր: Համայնքի ղեկավար Խաչիկ Բաղդասարյանը մեզ հետ զրույցում ասաց, որ 1 ժամ առաջ են տեղակացրել ընտանիքի անդամներին.
«Տան անդամները վերջին անգամ երեկ երեկոյան են հետը խոսել: Մհերն ասել է, որ ամեն բան կարգին է: Ժամեր առաջ ենք իմացել, եւ չէինք կարողանում ծնողներին ասել, որ իրենց որդին էլ չկա: Ես խոսել եմ նաեւ շտաբի պետի հետ, ասում էր, որ զինվորների միջեւ վեճ ա տեղի ունեցել, տղան շատ ուժեղ ներվայնացել ա, զենքը հանել ա ու իրեն խփել ա: Անկեղծ ասած մեր հավատը չի գալիս, որ էդպիսի բոյով-բուսաթով, հաղթանդամ, պարապած տղան ինքնասպանություն կգործեր: Ռազմական ոստիկանության աշխատակցի հետ եմ խոսել, ասեց, որ հաստատ ինքնասպանություն է, ով ինչ կասի մի հավատացեք»,- ասաց համայնքի ղեկավարը եւ հավելեց, որ Հովհաննիսյանների ընտանիքը գյուղում մեծ հարգանք ունի:
Հիշեցնենք, որպաշտպանության նախարությունից հայտնեցին, որ այսօր ժամը 13:00-ի սահմաններում, N զորամասում հայտնաբերվել է ժամկետային զինծառայող, շարքային Մհեր Կարենի Հովհաննիսյանը (ծնված 2001թ. 20/1 զորակոչ, ՊՆ ԶԶՀԾ Գեղարքունիքի ՄՏՍ) գլխի շրջանում ստացած մահացու հրազենային վիրավորումով:
