A1News.am-Լրագրող Ոսկան Սարգսյանի գրառումը․ «Ադրբեջանցիները ձեռ են առնում խաղաղասեր Նիկոլ Փաշինյանին՝ նրան անվանելով Փաշիկ։
Նիկոլ Փաշինյանը հայտարարել է տարածաշրջանում խաղաղության դարաշրջան բացելու մասին, մինչդեռ ադրբեջանական հասարակությունը և լրատվամիջոցները ցնծության մեջ են, լրատվամիջոցներ կան, որոնք Նիկոլ Փաշինյանին հեգնելով՝ նրան անվանում են Փաշիկ։
Ադրբեջանցի լրագրողներից մեկն էլ գրել է, որ Հայաստանի անվտանգության խորհրդի քարտուղար Արմեն Գրիգորյանը ցանկություն է հայտնել Բաքու բանակցությունների մեկնել։ Ադրբեջանցին գրել է, որ Ա․ Գրիգորյանը թող նստի Երևանում և ադրբեջանցիների հետ խոսի Zoom-ով, եթե նա շատ է ուզում Բաքու գնալ, նրան հենց օդանավակայանից պետք է տանել ռազմավարի պարկ։
Այդ պարկում ներկայացված են պատերազմի ժամանակ հայկական զորքերից գրավված տեխնիկան, հայ զինվորների ծաղրական տեսքով մանեկենները»։
