A1News.am-Ուկրաինայում զոհված հայը Խերսուն քաղաքի խաղաղ բնակչությունից էր: Այս մասին այսօր Araratnews.am-ի հետ զրույցում հայտնեց Ուկրաինայի հայերի միության փոխնախագահ Դավիթ Մկրտչյանը՝ մանրամասներ հաղորդելով դեպքից:
«Իր մեքենայի մեջ ավտոմատներով կրակոցներից է մահացել»,-ասաց նա և նշեց, որ դեռ ճշտում են՝ մենակ է եղել մեքենայի մեջ, թե՞ ոչ: Նա հայտնեց, որ զոհված Վահիկ Սողոմոնյանը ուներ կին, երեխաներ:
«Ռուսները փոխանցել են դին, դեռ հակիրճ տեղեկություններ ունենք և փորձում ենք հասկանալ ինչպես է դեպքը եղել»,-ասաց նա և նշեց, որ հաստատված մեկ զոհ ունենք Ուկրաինայի հայերից;
Դավիթ Մկրտչյանը նշեց, որ այս պահին էլ իրավիճակը հանգիստ չէ, բախումներ, ռմբակոծություններ կան, Խարկովում գրադ է աշխատում: «Մարիուպոլ քաղաքը բառիս բուն իմաստով ոչնչացնում են: Բախումները շարունակվում են, ոչ մի տեղ հանգստություն չկա: Անգամ շրջափակված քաղաքներում, որոնք մեկ շաբնաթ է շրջափակված են, ներսի ուժերով փորձում են դիմադրություն անել»,- ասաց նա:
