A1News.am-armlady.am-ը գրում է. Արդեն տեղեկացրել ենք, որ երեկ Երևանում ծափերով եւ արցունքներով վերջին հրաժեշտն են տվել ՀՀ վաստակավոր արտիստ, երգիչ, երգահան Հայկոյին:
Իսկ դրա նախորդ օրն էլ Սբ. Հովհաննես եկեղեցում տեղի էր ունեցել հոգեհանգստի արարողությունը:
Բոլորի ուշադրության կենտրոնում հայտնվել էր Հայկոյի նախկին կնոջ՝ երգչուհի Անահիտ Սիմոնյանին արտաքնապես նման մի աղջիկ:
Համացանցային օգտատերերից շատերն անգամ կարծել էին, թե նա հենց Անահիտն է:
Սակայն պարզ է դարձել, որ նա երգչուհի Դիանա Հարությունյանն է:
Շատերը նրան կհիշեն «X Factor» երաժշտական հայտնի նախագծից:
Դիանան ինստագրամյան իր էջում հարց ու պատասխան է կազմակերպել, որոնց ժամանակ հարցեր են հնչել նաև Անահիտի հետ ունեցած նմանության և Հայկոյի հոգեհանգստի արարողությանը մասնակցելու մասին:
Հետևորդներից մեկի դիտարմանը, որ նրան նմանեցրել են Անահիտ Սիմոնյաին, Դիանան գրել է.
«Ամենատգեղ բանը իրականում ստացվեց: Մենք ոչ մի նմանություն չունենք, հավատացած եղեք: Ես Անահիտին շատ հարգու եմ: Հարգանքի տուրք ենք մատուցել լավ երաժշտին, լավ մարդուն, լավ արտիստին ես, իմ ըներներն ու գործընկերները, ու թյուրիմացություն եղավ: Բայց, ինչևիցե, կարևորը մարդիկ հասկացան»:
Հետևորդներից մեկի դիտողությանը, որ հոգեհանգստին Դիանան ներկայացել էր ոչ համապատասխան տեսքով՝ մասնավորապես բաց որովայնով ու ընդգծված դիմահարդարմամբ, Դիանան գրել է.
«Ես շպարված չէի»:
Դիանայի խոսքով՝ Հայկոյի հոգեհանգստին գտնվելն իր համար շատ բարդ էր ու տխուր:
