Ովքեր են ընդգրկված «Եվրատեսիլում» Հայաստանի ժյուրիի կազմում, և ով է հայտնելու Հայաստանի քվեարկության արդյունքները

LifeStyle a1news 2022-05-14 22:50:00 1191
Հետևեք մեզ՝ Telegram-ում
237014_UMN-M.jpg

A1News.am-Ինչպես արդեն հայտնել ենք այսօր Եվրոպական «Եվրատեսիլ» երգի մրցույթի երզրափակիչ փուլն է, որտեղ Հայաստանի ներկայացուցիչ Ռոզա Լինը հանդես կգա 8-րդ համարի ներքո:

Հայաստանից Ռոզայի օգտին քվեարկել հնարավոր չէ, Սփյուռքից քվեարկելու համար հարկավոր է «Եվրատեսիլին» հետևել տվյալ երկրի Հանրային հեռուստաընկերությամբ և 08 թիվն ուղարկել այդ երկրում առանձնացված հատուկ կարճ հեռախոսահամարին։

Հեռուստադիտողների քվեարկությանը գումարվում են պրոֆեսիոնալ ժյուրիի քվեարկության արդյունքները` 50/50 հարաբերակցությամբ: Հայաստանի ժյուրիի կազմում ընդգրկված են Հանրային հեռուստաընկերության գործադիր պրոդյուսեր, ռեժիսոր Արշալույս Հարությունյանը, երգիչ Էրիկ Կարապետյանը, «Եվրատեսիլ 2019»-ում Հայաստանի պատվիրակ Սրբուկը, երգահան Լիլիթ Նավասարդյանը և պարուհի Վիկտորյա Մարտիրոսյանը:

Հայաստանից քվեարկության արդյունքները հայտնելու է երգահան, հաղորդավար, հումորիստ Գարիկ Պապոյանը:

Поделиться
Класс
Send