Փաշինյանը հայտարարել է, որ փոշմանել է ու «մեկ-մեկ ինքն իրեն մեղադրում է»

Հասարակական a1news 2021-11-23 22:40:00 2136
Հետևեք մեզ՝ Telegram-ում
timthumb-4_wveHN.jpg

A1News.am-Վարչապետ Նիկոլ Փաշինյանն այսօր հայտարարեց, թե իրեն մեկ-մեկ մեղադրում է, որ ժողովրդին շոկային ճշմարտություններ չի ասել պատերազմի օրերին:

«Ես ինձ մեկ-մեկ մեղադրում եմ, որ պետք էր քաղաքական խիզախություն ունենալ ու գալ ժողովրդին ասել ճշմարտություններ, որոնք կլինեին շոկային, բայց հիմա ես ինքս ինձ հետ խոսելիս ինքս իմ մեջ չեմ կարողանում ինձ դատել՝ դա չեմ արել, որովհետև մտածել եմ, որ ես պետք է շարունակեմ հանուն Արցախի ու Հայաստանի իրավունքների պայքա՞րը, թ՞ե ես դա չեմ արել՝ մտածելով՝ ինչու պետք է ես ասեմ այդ դառը ճշմարտությունը», - ասուլիսի ժամանակ հայտարարեց Նիկոլ Փաշինյանը:

Նա ասաց, թե այս հարցը մինչև կյանքի վերջ իրեն կտանջի:

«Ես այդպես էլ ինքս իմ դատը չեմ կարող անել: Եթե իմանայինք՝ ամեն ինչ այսպես էր լինելու, ավելի ճիշտ կլիներ գալ ու ասել՝ ժողովուրդ, մենք պետք է պայքարից հրաժարվենք», - ասաց ՀՀ վարչապետը:

Ի դեպ, նա հայտարարեց, որ նոյեմբերի 9-ին պատրաստվել է ուղերձով հանդես գալ, սակայն այդպես էլ ուղերձը չի հրապարակել:

Поделиться
Класс
Send