A1News.am-Սկանդալային կոսմետոլոգ Մարիա Ավետիսյանը կրկին հայտնվել է մարդկանց ու լրատվամիջոցների ուշադրւթյան կենտրոնում:Մարիան ինստագրամի իր սթորի բաժնում հրապարակել էր լուսանկար ու նշել, որ պատրաստվում է երեխա ունենալ ու նոր կյանք սկսել: Այս և այլ թեմաների շուրջ StarNews.am-ը կապ հաստատեց կոսմետոլոգի հետ, ով մեզ հետ զրույցում կիսվեց իր ներկայիս կյանքի, ապագա պլանների և ամուսնացած տղամարդուց երեխա ունենալու լուրերի մասին:
Չնայած նրան, որ ես շատ քիչ եմ իմ անձնական կյանքի մասին կիսվում իմ միկրոբլոգում, բայց պետք է փաստեմ, որ չէի կարող չկիսվել երեխա ունենալու իմ ցանկությունով: Այո, պատրաստվում եմ նոր կյանք սկսել, և որ ամենակարևորն է այդ ամենը սիրո ու հոգու ներդաշնակության մթնոլորտում: Ես ինձ համար մի լոզունգ եմ ձևավորել, սկսել եմ չխոսել իմ կյանքի կարևոր իրադարձությունների մասին, քանի որ ոչ բոլորն են ինձ պես մաքուր ու անկեղծ: Սակայն ներսիս ուրախությունն այնքան շատ էր, որ այս անգամ կիսվեցի կյանքիս այդ նորությունով:
Ես իմ անձի շուրջ պտտվող շատ լեգենդներ եմ լսում, քանի որ հայերի մեջ շատ են պարապ ու տանը նստած մարդիկ, ովքեր բացի բամբասելուց այլ զբաղմունք չունեն:Ես ուշադրություն չեմ դարձնում նմանատիպ ասեկոսեներին:Այդ մարդիկ չեն ճանաչում ինձ ու իմ մասին լեգենդներ են հյուսում հիմք հանդիսացնելով իմ ինստագրամյան էջը:
Շատ են խոսում նաև այն մասին, որ ես ամուսնացած տղամարդու կողքին եմ, ու նշում են, որ ուրիշի դժբախտության վրա երջանկություն չեն կառուցում: Ես ոչ հերքում եմ, ոչ էլ հաստատում տվյալ տեղեկությունը: Բայց ես մի բան կասեմ, որ երբեք սիրող ընտանիքներ չեն քանդվում, երբեք սիրելի հարաբերություններ չեն փչանում: Չար ու նախանձ մարդիկ թող խոսեն ինչքան ուզում են, թող բամբասեն, ինձ վաղուց իրենք չեն հետաքրքրում:
Մարդիկ շատ են քննարկում նաև իմ՝ չափից դուրս շքեղ կյանքը: Իրականում իմ կյանքն այդպիսինն է, սակայն պետք է փաստեմ, որ շքեղությունը չի փոխում իմ մարդկային արժեքները: Ես երբեք մարդկանց չեմ չափում իրենց ապրած կյանքով, կամ ունեցվածքով. Աստծո առաջ բոլորս հավասար ենք: Ես սիրում եմ աշխատել այդ պատճառով էլ ես միշտ եմ ապրել շքեղ կյանքով։ Սեփական բիզնեսն ու սիրելի աշխատանքը բավական են, որ կարողանաս ինքնուրույն ապահովել քո շքեղ կյանքը։ Ես ինձ ավելի քան կայացած մարդ եմ համարում ու անգամ այնպիսի իրավիճակ է ստեղծվում, որ շատ աղջիկներ տեսնելով իմ կյանքը փորձում են կրկնօրինել իմ աշխատանքը, սակայն դա նրանք միայն փորձում են։ Մի քանի ամսով և նմանակելով, չես կարող դառնալ լուրջ ու կայացած կոսմետոլոգ։ Նախանձով ստեղծված ոչ մի բան երկար կյանք չի ունենում։ Մի նախանձեք իմ աշխատանքին, քանի որ բացի դրանից ես շատ բիզնեսներ ունեմ, որոնց մասին ոչ ոք չգիտի և չի էլ իմանա։
Ես առհասարակ սկանդալներ չեմ ունենում, որովհետև ես չեմ կարծում, որ ինչ-որ մեկը կցանկանա ինձ հետ սկանդալ ունենալ, քանի որ ինձ ճանաչող ցանկացած իգական սեռի ներկայացուցչի մեղմ ասած ձեռք չի տա ինձ հետ որևէ սկանդալի մեջ մտնել։ Իսկ եթե հարցին նայենք ավելի գլոբալ, ապա սկանդալներ բոլորի կյանքում լինում են։ Որևէ տղամարդու համար ես երբեք սկանդալներ չեմ ունենա։
Պատրաստվում եմ երեխա ունենալ փոխադարձ սիրո անկյունում։ Երբ քո սերը փոխադարձ է լինում և սիրո ու ներդաշնակության հիման վրա է ստեղծվում այդ անկյունը, ապա դրանից կարևոր ու երանելի բան չկա։ Ինչ վերաբերում է երեխային, պետք է նշեմ, որ մեր երեխան կլինի հոգեպես ներդաշնակ ընտանիքում, իսկ դա ամենակարևոր ու թանկ բանն է աշխարհում։ Ես չեմ կարող ապրել առանց սիրո, և այն ինչ ինձ չի պատկանում երբեք ստիպողաբար ինձ մոտ չեմ պահում։ Ինձ համար զարմանալի են այն բոլոր աղջիկներն, ովքեր տղամարդու կողմից արհամարհված են և ամուսնացածի կարգավիճակը որդեգրելով առանց սիրո ապրում են այդ քողի տակ։ Ինձ համար դա խայտառակություն է, երբ ապրում ես մի մարդու կողքին՝ վստահ լինելով, որ նա քեզ չի սիրում։ Ոչ ոք ոչ ոքի երջանկությունը խլել չի կարող․ ես կարող եմ միայն երջանկացնել և վերջ։ Իսկ աղջկա համար ամենակարևորը փոխադարձ սեր ունենալն է, դավաճանված ու արհամարհված չլինելը։ Իմ տղամարդն իմ կողքին շատ երջանիկ է իրեն զգում և ես չէ, որ խլել եմ իր երջանկությունը։
