A1News.am-Ռուսաստանի նախագահ Վլադիմիր Պուտինը խորհրդակցություն է անցկացրել սոցիալ-տնտեսական հարցերի շուրջ։Խորհրդակցության ընթացքում երկրի նախագահը նշել է, որ Ռուսաստանի տնտեսության վիճակը կայունանում է, ռուբլու փոխարժեքը վերադառնում է 2022 թվականի սկզբի մակարդակին։
Ռուսաստանի նախագահը նշել է, որ Ռուսաստանի նկատմամբ տնտեսական բլիցկրիգի պատժամիջոցների քաղաքականությունը ձախողվել է։ Նրա խոսքով ՝ ՌԴ-ի դեմ սահմանված պատժամիջոցներին հաջորդել է եվրոպացիների կենսամակարդակի նվազումը։Պուտինը նաև հանձնարարել է արագացնել ՌԴ արտաքին առեւտրի անցումը ռուբլիով եւ այլ երկրների ազգային արժույթներով։
Նա նաև նշել է, որ ՌԴ-ն դիմակայել է Արեւմուտքի կողմից պատժամիջոցների աննախադեպ ճնշմանը։«Վերջին ժամանակներս տնտեսության համար գլխավոր բացասական գործոնը դարձել է արեւմտյան երկրների հերթական պատժամիջոցային ճնշումը։ Խնդիրն այն էր, որ արագ խարխլվի մեր երկրի ֆինանսատնտեսական իրավիճակը, խուճապ առաջացներ շուկաներում, բանկային համակարգի կոլապսներ, խանութներում ապրանքների զանգվածային դեֆիցիտ»,-հավելել է երկրի նախագահը ։
րա խոսքով՝ պետք է աջակցել ռուսներին․«Մարդիկ իրենց ընտանեկան բյուջեում զգում են, թե ինչպես են թանկացել գները։ Պետք է աջակցել մեր քաղաքացիներին, օգնել նրանց հաղթահարել ինֆլյացիոն ալիքը», — հայտարարել է Պուտինը։
