A1News.am-Լեռնիկ Լևիկի Մխիթարյան. Ծնվել է 1972 թվականի մարտի 27-ին, Արագածոտնի մարզի Նոր Արթիկ գյուղում։ Սովորել և բարձր առաջադիմությամբ, ավարտել է տեղի միջնակարգ դպրոցը։ 1990-1995թթ. սովոել և ավարտել է Խ. Աբովյանի անվան մանկավարժական համալսարանի Պատմություն և Իրավունքի հիմունքներ բաժինը։
Նրա սերը զինվորական ծառայության հանդեպ սկսվել է 1995-1996թթ. երբ մասնակցել է ՀՀ Պաշտպանության նախարարության ուսումնարանի միամյա դասընթացներին։ Որպես հրամանատար՝ Լեյտենանտ կոչմամբ, 1996թ֊ից ծառայել է Հորադիզում և 1998թ.֊ին տեղափոխվել Կապանի զորամաս։
2002թ մասնակցել է ՀՀ բարձրագույն սպայական որակավորման դասընթացների, որպես ԴԱ գծով տեղակալի մասնագետ։ 2001-2005 թթ ծառայել է Գյումրու Գարեգինյան զորամասում, որպես հրամանատար՝ արդեն իսկ մայոր կոչմամբ։Լեռնիկը 2010-2015թթ. աշխատել է Կապանի Հ. Ավետիսյանի անվան ավագ դպրոցում, որպես ռազմագիտություն ուսուցիչ։
Սակայն ճակատագրի բերումով կրկին նախընտրել է զինվորականի ուղղին և որպես մեծ հայրենասեր ու հայրենիքի նվիրյալ Լեռնիկը ‘մայոր կոչմամբ, 2015թ. ծառայության է անցել Սիսիանի 60 913 զորամասում։2020թ. հոկտեմբերի 9-ին մեկնել է Հադրութի շրջան մարտական խնդիրը կատարելու նպատակով։
5օր շրջափակման մեջ մնալուց և կատաղի մարտեր տալուց հետո, կարողացել է դուրս գալ շրջափակման օղակից և շտապել մյուսներին շրջափակումից ազատելու։ Սակայն նրանց մեքենան հոկտեմբերի 15-ին խոցվել է թշնամու ԱԹՍ ի կողմից և հրդեհվել։Լեռնիկը փրկվել է, սակայն տղաներին օգնելու համար իրեն նետել է բոցերի մեջ և փրկել 13 երիտասարդ զինվորի կյանք, որոնք կենդանի են միչև օրս, նախընտրել է զոհել իր կյանքը հանուն այն զինվորների, ովքեր չէին հասցրել կյանք տեսնել, ու իր կյանքի գնով կյանք է շնորհել նրանց, ասելով՝ բալեքիս տարիքին են, ոնց թողնեմ ու գնամ։
Նրան մшհաբեր այրվածքներով տեղափոխում են հիվանդանոց որտեղ և հոկտեմբերի 22 -ին հերոս հայորդին կնքում է իր մшհկանացուն՝ երկու զավակներին թողնելով կնոջ խնամակալությանը։
Մայորը միշտ սիրել է իր զինվнրներին ու եղել սիրված հրամանատար, որն էլ և ապացուցեց։ Բացի սիրված հրամանատար լինելուց եղել է լավ հայր, լավ ամուսին, լավ եղբայր և լավ որդի։
