Պուտինը կայցելի Երևան

Իրադարձային a1news 2022-04-19 21:53:00 1488
Հետևեք մեզ՝ Telegram-ում
regnumpicture1630791025309286normal_N35a7.jpg

A1News.am-Պուտինը կայցելի Երևան 2022 թվականի երկրորդ կեսին

ՌԴ նախագահը ընդունել է Փաշինյանի հրավերը՝ այցելելու Երևան՝ ՀԱՊԿ Հավաքական անվտանգության խորհրդի նստաշրջանին կապակցված:

Հայաստանի և Ռուսաստանի ղեկավարները համատեղ հայտարարություն են տարածել.

 Որոշվեց նպաստել հայաստանյան և ռուսաստանյան հասարակությունների երկխոսության հիմնմանը՝ նպատակադրվելով դրա առաջին նիստը անցկացնել 2022-ին։

Որոշվեց հետայսու ևս նպաստել դեպի Հայաստան ռուսաստանյան ներդրումների հոսքին: 

Կողմերը հաստատեցին պատրաստակամությունն ընդլայնել ատոմային էներգիայի խաղաղ օգտագործման բնագավառում համագործակցությունը: Ողջունեցին Հայկական ԱԷԿ-ի շահագործման ժամկետի երկարաձգումը և նպատակադրվածություն հայտնեցին նոր էներգոբլոկների կառուցման մշակման շուրջ:

 Կողմերը արտահայտվեցին Անկախ Պետությունների Համագործակցության ձևաչափում փոխգործակցության՝ բոլոր ուղղություններով հետագա խորացման օգտին, այդ թվում արդիական միջազգային հարցերի շուրջ դիրքորոշումների կոորդինացման, Համագործակցության մասնակից պետությունների սոցիալ-տնտեսական զարգացման մակարդակի բարձրացման և մշակութային-հումանիտար կապերի ընդլայնման նպատակով:

Ռուսաստանը պատրաստ է մասնակցել Հայաստանի երկաթուղային ենթակառուցվածքի, այդ թվում՝ Սյունիքի և այլ մարզերի երկաթուղու վերականգնման ծրագրերին։

Երկրների ղեկավարները կողմ են արտահայտվել Հայաստանի, Ռուսաստանի և Ադրբեջանի ղեկավարների կանոնավոր հանդիպումների շրջանակում կառուցողական աշխատանքի շարունակմանը։

Ռուսաստանը և Հայաստանը չեն տրամադրի իրենց տարածքները երրորդ երկրներին կենսաանվտանգության ոլորտում միմյանց շահերի դեմ օգտագործելու համար։

Երկրների ղեկավարները մտահոգություն են հայտնել մի շարք երկրների միակողմանի պատժամիջոցների վերաբերյալ և պայմանավորվել են համատեղ աշխատել այդ մարտահրավերները հաղթահարելու համար։

Պուտինն ու Փաշինյանը կոչ են արել զարգացնել ինտեգրումը ԵԱՏՄ-ին, այդ թվում՝ ավելացնել ազգային արժույթով վճարումների տեսակարար կշիռը։

Մոսկվան և Երևանը մտադիր են պայքարել Երկրորդ համաշխարհային պատերազմի արդյունքների վերանայման և պատմության կեղծման դեմ և հակազդել միջազգային ահաբեկչությանը բոլոր ձևերով։

Երկու երկրների առաջնորդները միասնական էին Ռուսաստանի աջակցությամբ Ադրբեջանի և Հայաստանի կրոնական գործիչների և հասարակության ներկայացուցիչների միջև կայացած շփումների բարձր օգտակարության գնահատականում, ինչը նպաստում է երկու երկրների ժողովուրդների միջև «կամուրջների կառուցման»: Նման պրակտիկան շարունակվելու է:

Поделиться
Класс
Send