Պուտինը սխալվեց

Լուրեր a1news 2022-04-18 21:54:00 1209
Հետևեք մեզ՝ Telegram-ում
befunky-collage-7_7Bam4.jpg

A1News.am-ԱՄՆ Ջորջիա նահանգում տեխնոլոգիական ինստիտուտում ունեցած ելույթում ԱՄՆ ԿՀՎ տնօրեն Ուիլյամ Բերնսը պատասխանել է այն հարցին, թե կոնկրետ ինչն է դրդել Պուտինին որոշել պատերազմել Ուկրաինայի դեմ, գրում է ՏԱՍՍ֊ը։

Ըստ ԿՀՎ-ի տնօրենի՝ Պուտինը կարծում էր, որ Վաշինգտոնի եվրոպացի դաշնակիցները չափազանց զբաղված են իրենց ներքին քաղաքականությամբ, ինչպես նաև հույսեր էին կապում Ռուսաստանի «պատժամիջոցներից պաշտպանված» արժութային պահուստների հետ։

«Պուտինը սխալվեց այդ կետերից յուրաքանչյուրում», - ասել է Բերնսը: Ռուսաստանի առաջնորդը, հավանաբար, համակված վրդովմունքի, փառասիրության և անապահովության զգացումներով, տեսավ, որ «Ուկրաինայի կողմնորոշումը ձևավորելու պատուհանը» փակվում է, և որ հարևան երկիրը որոշել է միանալ արևմտյան ուժերին:

Բերնսը Պուտինին անվանել է «վրեժի առաքյալ»։ «ԱՄՆ հետախուզությունը կենսական նշանակություն ունի ուկրաինացի զինվորականների՝ ռուսական ուժերի դեմ պայքարում»,֊ասել է Բերնսը, ով, ինչպես հայտնի է, նախկինում Մոսկվայում ԱՄՆ դեսպանն էր:

Поделиться
Класс
Send