A1News.am-SHAMSHYAN.com-ի տեղեկություններով՝ երեկ, օգոստոսի 5-ին, արտակարգ դեպք է տեղի ունեցել Երևանում։ Ժամը 16։15-ի սահմաններում Հալաբյան փողոցում ՀՀ արդարադատության նախարարության դատական ակտերի հարկադիր կատարման շենքի դիմաց մի քաղաքացի ինքնասպանության փորձ է գործել։
Ինչպես հայտնում է ֆոտոլրագրող Գագիկ Շամշյանը, ահազանգով նշված վայր են մեկնել ոստիկանության Մաշտոցի բաժնի օպերատիվ խումբը հետաքննական բաժանմունքի հետաքննիչի գլխավորությամբ։
Պարզվել է, որ դեպքը տեղի է ունեցել շենքի ներսում, որտեղ Արագածոտնի մարզի բնակիչ 34-ամյա Մանթաշ Ա․-ն շեղբով վնասել է ձեռքի բազուկները։
Փաստի առթիվ ոստիկանության Մաշտոցի բաժնի հետաքննական բաժանմունքում նյութեր են նախապատրաստվում։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
