MediaArm.am-Ուռուցքաբանները նշել են մի շարք ֆիզիոլոգիական ազդանշաններ, որոնք թույլ են տալիս ինքնուրույն որոշել քաղցկեղի հնարավոր առաջացումը: Մասնավորապես՝ քաղցկեղի վաղ փուլում նկատվում է քաշի հանկարծակի կորուստ, ինչպես նաև մարմնի ջերմաստիճանի բարձրացում:
Բժիշկները նշել են, որ անհրաժեշտ է նաև ուշադրություն դարձնել գլխապտույտներին, գլխացավին, քնկոտությանն ու հոգնածությանը։ Շատերի համար անակնկալ կլինի, սակայն քաղցկեղի առաջացման ազդանշանները երբեմն մարսողության խանգարումն ու փորլուծությունն են: Ընդհանուր առմամբ, մասնագետները խորհուրդ են տվել, ուշադրություն դարձնել մարդու համար անսովոր մարմնական դրսևորումներին (օրինակ՝ գիշերային քրտնարտադրություն, մաշկի քոր)։
«Նշված բոլոր ախտանշանների առկայությունն՝ ինչպես առանձին, այնպես էլ միասին, դեռևս ախտորոշման ճիշտ հաստատում չեն։ Բայց, դրանք նկատելու դեպքում անպայման պետք է դիմել բժշկի»,- նշել են գիտաշխատողները։ Վերջերս Ջոն Հոփքինսի համալսարանի ամերիկացի գիտնականներն առաջ են քաշել մի տեսություն, որի համաձայն՝ քաղցկեղի դեպքերի մեծ մասը ԴՆԹ–ի կրկնապատկման ժամանակ բջջային բաժանման գործընթացում տեղի ունեցող պատահական խափանումների հետևանք է:
Այս դեպքում, նույնիսկ առողջ ապրելակերպը հազիվ թե կարող է ինչ-որ բան փոխել, պարզաբանել են նրանք։ Միևնույն ժամանակ, ուռուցքաբանական հիվանդությունների որոշ մասը պայմանավորված է արտաքին գործոնների ազդեցությամբ, հայտարարել են գիտնականները:
