A1News.am-Ռուսաստանը չեղարկել է համաճարակի պատճառով կիրառվող սահմանափակումները դեպի Հայաստան, Ադրբեջան, Ղազախստան, Ղրղզստան, Տաջիկստան, Թուրքմենստան, Ուզբեկստան և Իրան, հայտնում է ՌԴ Օդային տրանսպորտի դաշնային գործակալությունը։
«2022 թվականի մարտի 9-ին Ռուսաստանի կառավարության որոշման համաձայն՝ Հայաստան, Ադրբեջան, Ղազախստան, Ղրղզստան, Տաջիկստան, Թուրքմենստան, Ուզբեկստան և Իրան անկանոն և կանոնավոր չվերթերի սահմանափակումները, որոնք նախկինում մտցվել էին՝ որպես COVID-19-ի տարածումը կանխելու միջոց, վերացվել են»,- ասվում է հաղորդագրության մեջ։
Թռիչքները կիրականացվեն օդային փոխադրումների վերաբերյալ երկկողմ միջկառավարական համաձայնագրերի և օդային երթևեկության մասին իշխանությունների առանձին համաձայնագրերի դրույթների հիման վրա։
Միևնույն ժամանակ, ավիաընկերությունները պետք է համապատասխանեն Ռուսաստանի գլխավոր պետական սանիտարական բժշկի հրահանգին՝ «COVID-19-ի տարածումը կանխելու համար մեկուսացման ապահովման մասին» որոշմանը։
