A1News.am-Ռուսաստանի զինված ուժերը ռազմական հատուկ գործողության շրջանակներում վերահսկողության տակ են վերցրել ուկրաինական ևս հինգ բնակավայրեր, երկուշաբթի լրագրողներին ասել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։ Հաղորդում է «ՌԻԱ Նովոստին»։
«Ռուսաստանի զինված ուժերի ստորաբաժանումները վերահսկողության տակ են վերցրել Նովուկրաինսկոյե, Ստարոմայորսկոյե, Ստարոմլինովկա, Մայորովո և Ռեմովկա բնակավայրերը, մարդասիրական օգնություն է ցուցաբերվում ազատագրված բնակավայրերի բոլոր խաղաղ բնակիչներին»,- ասել է գեներալը։
Ռուսաստանը փետրվարի 24-ին ռազմական գործողություն է սկսել Ուկրաինայում։ Նախագահ Վլադիմիր Պուտինը դրա նպատակն անվանել է «մարդկանց պաշտպանությունը, որոնք ութ տարի շարունակ ենթարկվել են Կիևի ռեժիմի կողմից բռնությունների և ցեղասպանության»:
