A1News.am-ՌԴ կառավարությունը հաստատել է Ռուսաստանի Դաշնության դեմ ոչ բարեկամական գործողություններ իրականացնող պետությունների և տարածաշրջանների ցանկը։ Ցանկում ներառված են Ավստրալիան, Ալբանիան, Անդորրան, Բրիտանիան՝ Ջերսին, Անգիլիան, Բրիտանական Վիրջինյան կղզիները և Ջիբրալթարը ներառյալ:
Ցուցակում են նաև Եվրամիության անդամ երկրները` Իսլանդիան, Կանադան, Լիխտենշտեյնը, Միկրոնեզիան, Մոնակոն, Նոր Զելանդիան, Նորվեգիան, Կորեայի Հանրապետությունը, Սան Մարինոն, Հյուսիսային Մակեդոնիան, Սինգապուրը, ԱՄՆ-ը, Թայվանը, Ուկրաինան, Չեռնոգորիան, Շվեյցարիան և Ճապոնիա. Սույն հրամանը պատրաստվել է «Օտարերկրյա որոշակի պարտատերերի նկատմամբ պարտավորությունների կատարման ժամանակավոր կարգի մասին» ՌԴ նախագահի հրամանագրի շրջանակներում։
Ռուսաստանցիներն ու ռուսական ընկերությունները, ինչպես նաև իրենք պետությունները, որոնք արտարժութային պարտավորություններ ունեն այս ցանկից օտարերկրյա վարկատուների նկատմամբ, կկարողանան դրանք վճարել ռուբլով։
Ինչպես հայտնել են կառավարությունից՝ դրա համար պարտապանը կարող է խնդրել ռուսական բանկին օտարերկրյա պարտատիրոջ անունով ստեղծել «C» ռուբլու հատուկ հաշիվ և վճարման օրը վճարումներ կատարել ռուբլուն համարժեք դրամով՝ սահմանված Կենտրոնական բանկի կողմից։ Ժամանակավոր ընթացակարգը վերաբերում է այն վճարումներին, որոնք գերազանցում են ամսական 10 միլիոն ռուբլին:
