A1News.am-Այսօր՝ հունիսի 17-ին, խոշոր ավտովթար է տեղի ունեցել Արագածոտնի մարզում։ Ժամը 18։30-ի սահմաններում Nissan Teana մակնիշի ավտոմեքենան Մարգարա-Վանաձոր-Տաշիր ավտոճանապարհի 57 կմ-ում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել երկաթբետոնե արգելապատնեշներին և մասամբ հայտնվել դաշտում։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի, ում ավտոմեքենայից դուրս են բերել օպերատիվորեն ժամանած արտակարգ իրավիճակների նախարարության փրկարար ծառայության Ապարանի հրշեջ փրկարարական ջոկատի փրկարարները, ովքեր օգտագործել են հատուկ տեխնիկա, ճանապարհային ոստիկանների և քաղաքացիների օգնությամբ դուրս է բերվել ավտոմեքենայից և տեղափոխվել «Ապարան» բժշկական կենտրոն։ Օպերատիվ են գործել նաև «Ապարան» բժշկական կենտրոնի բժիշկների հերթապահ խումբը։
Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի ծառայողները՝ վաշտի հրամանատար Վաչե Մալաքյանի, դասակի հրամանատար Հրանտ Գալստյանի գլխավորությամբ։ Ժամանել են նաև նույն վաշտի ավագ հետաքննիչներ Վահագն Էլոյանը և Հայկ Վարդանյանը։ Տեղում հետաքննական աշխատանքները ղեկավարում է Վ. Էլոյանը, ում կողմից փաստի առթիվ նյութեր են նախսապատրաստվում։
Վ. Էլոյանի հանձնարարականով ավտոմեքենան ՃՈ ավագ տեսուչներ Էդգար Մելքոնյանի և Իսահակ Դարբինյանի ուղեկցությամբ տեղափոխվում է ոստիկանության Ապարանի բաժնի պահպանվող հատուկ տարածք։ Ոստիկանությունը պարզում է վարորդի և վիրավորի ինքնությունը։ Ֆոտոլրագրողը հայտնում է, որ բախման հետևանքով էլ երկաթե արգելապատնեշները մխրճվել են ավտոմեքենայի մեջ։
