A1News.am-Երեկ՝ հուլիսի 2-ին, ավտովթար է տեղի ունեցել Կոտայքի մարզում։ Ժամը 17։30-ի սահմաններում Կոտայքի մարզի բնակիչ՝ 24-ամյա Վաչիկ Ասատրյանը իր վարած Opel մակնիշի ավտոմեքենայով Ծաղկաձոր քաղաքի Սարալանջի փողոցով դեպի Հրազդան ընթանալիս դուրս է եկել երթևեկելի գոտուց և բախվել աջակողմյան հատվածի քարերին։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Վ. Ասատրյանն ու նրա ուղևոր՝ Գեղարքունիքի մարզի բնակիչ, 22-ամյա Արգիշտի Մանասյանը մարմնական վնասվածքներով տեղափոխվել են «Հրազդան» բժշկական կենտրոն։
Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Սարգիս Բագրատյանի և Ծաղկաձորի ՃՈ ջոկի հրամանատար Դավիթ Հովհաննիսյանի գլխավորությամբ։
Տեղում հետաքննական աշխատանքները ղեկավարել է նույն վաշտի ավագ հետաքննիչ Արթուր Մինասյանը, ում կողմից փաստի առթիվ նյութեր են նախապատրաստվում։
Գ. Շամշյանի տեղեկություններով՝ վարորդ Վ. Ասատրյանն աշխատում է «Հրազդան» բժշկական կենտրոնում՝ որպես բուժակ։
