A1News.am-Վերջերս բացի ստատուսներից, սեքսից, բավականին շատ են փնտրում նաև սեռական օրգանների հիգիենայի մասին ինֆորմացիա: Հիգիենայի այս «մասնավոր դեպքի» մասին շատ քիչ ծնողներ են խոսում իրենց հերեխաների հետ, չնայած որ այն ամենակարևորներից մեկն է: Այս հոդվածը հենց այդ բացը լրացնելու համար է:
Նախ անդրադառնամ ընդհանուր դեպքերին.
Թե’ տղամարդկանց, թե’ կանանց ներքնազգեստը պետք է լինի բնական կտորներից, ոչ շատ ձիգ, որպեսզի մաշկը նորմալ նյութափոխանակություն կատարի, ստանա թթվածին, արյունատար համակարգը ազատ աշխատի: Խորհուրդ չի տրվում երկար ժամանակով կրել ստրինգներ, քանի որ դրանք ոչ միայն չեն պաշտպանում սեռական օրգանները արտաքին միջավայրի աղտոտվածությունից և վարակներից, որ կարող են ներթափանցել օրգանիզմ, այլև վնասում են մաշկը և այն նուրբ հանգույցները, որ տեղակայված են մարմնի այդ հատվածում:
Խուսափեք երկար ժամանակով թաց լողազգեստ կրելուց:
Օրվա ընթացքում աշխատեք գոնե երկու անգամ սովորական գոլ ջրով լվացվել: Ընդ որում` խուսափեք սպունգ (мочалка) օգտագործելուց, ինչպես նաև մի օգտագործեք օճառներ, դրանք չորացնում են մաշկը, ինչը սեռական օրգանների միկրոմիջավայրի խախտման կարող է բերել: Մի մոռացեք նաև, որ մարմնի այդ հատվածում մաշկը շատ նուրբ է և կարող է վնասվել նույնիսկ ձեռքով լվանալու դեպքում անզգույշ շարժումներ անելու հետևանքով:
Սրբիչը, որից օգտվում եք, պիտի լինի ՄԻԱՅՆ Ձերը: Իսկ ամեն անգամ լվացվելուց առաջ համոզվեք, որ այն մաքուր է (չի ընկել գետնին և այլն):
Հիմա ավելի մանրամասն կանդրադառնամ արական և իգական սեռական օրգանների հիգիենայի առանձնահատկություններին:
Տղամարդկանց համար առօրյա հիգիենան պետք է անպայման ներառի սեռական օրգանների լվացում գոլ ջրով: Անհրաժեշտ է ամեն օր փոխել ներքնազգեստը: Բացի այդ` պետք է օգտվել անձեռոցիկներից կամ փափուկ թղթից պատրաստված զուգարանի թղթերից նաև միզելուց հետո: Այդ ֆունկցիան ոչ մի դեպքում չպիտի կատարի Ձեր ներքնազգեստը: Տարիքի հետ տղամարդիկ ավելի ուշադիր պիտի լինեն իրենց հիգիենայի նկատմամբ, ինչպես նաև տարվա ընթացքում 2-3 անգամ այցելեն ուռոլոգի (անպայման չէ, որ ինչ-որ վարակի կամ հիվանդության կասկածներ ունենաք, ուղղակի համոզվեք, որ Ձեզ մոտ ամեն ինչ կարգին է):
Այն տղամարդիկ, ովքեր օրվա ընթացքում երկար ժամանակ նստած վիճակում են (մեքենա, գրասենյակային աշխատանք), լավ կլինի, որ պարբերաբար մի քանի րոպե քայլեն (օրինակ` գրասենյակում կամ մեքենան կանգնեցնեն անհրաժեշտ վայրից մի փոքր հեռու): Դա հնարավորություն կտա հնարավորինս խուսափել թութքից, ինչպես նաև կնվազեցնի մարմնի ջերմաստիճանը արական սեռական օրգանների հատվածում (տղամարդիկ կարող են մինչև վեց ամսով կորցնել սերունդը շարունակելու հնարավորությունը սեռական օրգանները անընդհատ տաք պահելով):
Զուգարան գնալուց հետո աշխատեք հնարավորության դեպքում օգտվել ոչ թե զուգարանի թղթից, այլ գոլ ջրով լվացվելուց (կարող եք ձեռք բերել биде):
Ինչպես և տղամարդկանց, այնպես էլ կանանց համար ներքնազգեստը պետք է լինի բնական կտորներից, չսեղմի, չխոչընդոտի արյան շրջանառությանը և նյութափոխանակությանը: Ներքնազգեստը պետք է փոխել ամեն օր: Երեխաներին չի կարելի մայրիկների հետ միասին լողանալ նույն ջրում (ինչպես կարող եք տեսնել գովազդներում կամ ֆիլմերում): Եթե Ձեր երեխան մանկապարտեզ է գնում, ապա նրա անձնական պարագաներից պիտի օգտվի միայն Ձեր երեխան, զգուշացրեք նրան այդ մասին և կատարեք տարբերիչ նշումներ (օրինակ` կարեք փոքրիկ արև նրա բոլոր պարագաների վրա):
Մենստրուացիայի (դաշտան) ժամանակ օրվա ընթացքում պետք է լվանալ սեռական օրգանները ամենաքիչը երկու անգամ հոսող գոլ ջրով (ցնցուղ), բայց լոգանք ընդունել չի կարելի (երբ երկար ժամանակ պառկում են տաք ջրի մեջ, ինչպես հաճախ կարող եք տեսնել ֆիլներում):
Աշխատեք տարվա ընթացքում գոնե մեկ անգամ պրոֆիլակտիկ այցելել գինեկոլոգի մոտ:
Կլիմաքսից հետո սեռական օրգանների հիգիենան իր կարևորությունը չի կորցնում: Սակայն էական փոփոխություններ չեն լինում:
Եվ ուշադրություն… հիգիենան սեքսից առաջ և հետո:
Ոչ միայն յուրաքանչյուր սեռական ակտից հետո, այլ նաև առաջ անհրաժեշտ է լվացվել տաք/գոլ ջրով: Սրբիչը պետք է լինի ԱՆՁՆԱԿԱՆ օգտագործման: Առաջին սեռական ակտից հետո կանանց խորհուրդ չի տրվում սեքսով զբաղվել 4-5 օր, որպեսզի կուսաթաղանթի պատռվելուց առաջացած վերքերը վերականգնվեն:
Մենստրուացիոն (դաշտան) շրջանում խուսափեք սեռական ակտերից, քանի որ վարակների ներթափանցումը շատ հավանական է, բացի այդ էլ հնարավոր է արյունահոսության ուժեղացում: Տղամարդկանց մոտ կարող է առաջանալ միզածորանի բորբոքում: Բացի այդ օրական 3-4 անգամ անհրաժեշտ է փոխել միջադիրները: Իսկ եթե օգտագործում եք տամպոններ, ապա դրանք անհրաժեշտ է փոխել 3-4 ժամը մեկ:
Հղիության շրջանում նույնպես սեռական կյանքում լինում են փոփոխություններ: Օրինակ` որպես կանոն արդեն 2-3 ամիսներից հետո անհրաժեշտ է կրճատել սեռական ակտերի քանակը, իսկ վերջին երկու ամիսների ընթացքում ընդհանրապես բացառել: Հղիությունից հետո սովորաբար 6-8 շաբաթ սեռական ակտ ունենալ չի կարելի (ավելի ինդիվիդուալ խորհուրդ ստանալու համար դիմեք գինեկոլոգի):
Հոդվածի առաջին մասը կարող եք գտնել այստեղ:
