A1News.am-Ալկոհոլի և սեքսի միջև «հարաբերությունները» շատ տարօրինակ են: Մի կողմից՝ այն օգնում է թուլանալ և դրսևորել սեռական ակտիվություն, մյուս կողմից՝ բացասական ազդեցություն է թողնում սեռական վարքագծի վրա: Այդ դեպքում սեքսից առաջ խմե՞լ ալկոհոլային խմիչքներ, թե՞ ոչ:
Այս հարցի պատասխանը գտնելու համար ներկայացնում ենք ալկոհոլի առավելությունները և թերությունները:
Առավելություններ.
Ալկոհոլը վերացնում է արգելքները: Մասնագետները վստահեցնում են, որ ալկոհոլը չի բարձրացնում լիբիդոն, սակայն թուլացնում է լարվածությունը և հաղթահարում այն խոչընդոտները, որոնք ազդում են լավ սեքսի վրա: Մի քանի գավաթ գինին կօգնի մոռանալ կազմվածքի թերությունների և անհանգստությունների մասին:
Ալկոհոլն օգնում է կենտրոնանալ ներկայի վրա: Սեքսուալ ցանկության վրա ազդող բացասական գործոններից մեկը սթրեսն է: Ալկոհոլը նվազեցնում է նեյրոնների ակտիվությունը և լարվածության մակարդակը: Խելահեղ սեքսը պահանջում է լիակատար հանգիստ:
Մեծացնում է զուգընկերոջ հանդեպ կիրքը: Հետազոտությունները ցույց են տալիս, որ ոգելից խմիչքների ազդեցությամբ զուգընկերն ավելի գայթակղիչ է դառնում: Իհարկե, կարևոր դեր ունի նաև տրամադրությունը և հարաբերությունների տևողությունը:
Մեծացնում է սեռական ցանկությունը: Ալկոհոլն ազդում է գլխուղեղի պրեֆրոնտալ կեղևի վրա, որը պատասխանատու է զգացմունքների համար: Օրինակ, եթե ցանկանում ես պարզել՝ տղամարդն ինչպես է քեզ իրականում վերաբերվում, մեկ գավաթ գինի խմիր: Անշուշտ, պետք չէ մոռանալ, որ մեծ քանակությամբ ալկոհոլը հակառակ ազդեցությունն է ունենում:
