A1News.am-Շատ կանանց մոտ տեղի է ունենում թեթև արյունահոսություն սեռական հարաբերությունից հետո:
Ըստ The Sun-ի՝ այս երեւույթի ամենատարածված պատճառը չորությունն է՝ դաշտանադադարից հետո կանանց մինչև 63%-ը, իսկ պտղաբեր շրջանում՝ մոտ 9%-ը տառապում է դրանով։ Այնուամենայնիվ, չորության վրա կարող են ազդել նաև ցիկլի տևողությունը, էստրոգենի ցածր մակարդակը կամ սեռական գրգռվածության բացակայությունը, որոնք ազդում են մաշկի առաձգականության վրա և կարող են հանգեցնել միկրոտրավմաների:
Թեթև արյունահոսության մեկ այլ պատճառ էլ վարակն է: Արգանդի վզիկի, հեշտոցի վարակիչ հիվանդությունները, սեռական ճանապարհով փոխանցվող հիվանդությունները առաջացնում են բորբոքում, որը կարող է արյունահոսություն առաջացնել։
Երրորդ պատճառը ծննդաբերության կամ սեքսի ժամանակ հեշտոցի մեխանիկական վնասումն է։
Չորրորդ և շատ տարածվածը պոլիպներն են։ Սրանք ոչ քաղցկեղային գոյացություններ են, որոնք կարող են աճել արգանդում կամ արգանդի վզիկի վրա: Դրանց վնասվածքը հանգեցնում է արյունահոսության։ Գինեկոլոգները հաճախ խորհուրդ են տալիս հեռացնել պոլիպները:
Եվ վերջապես, հինգերորդ պատճառը՝ հազվադեպ, բայց ամենասարսափելին արգանդի վզիկի քաղցկեղն է։ Բրիտանական վիճակագրության համաձայն՝ սեքսից հետո արյունահոսությունից բողոքների 11%-ի մոտ ախտորոշվել է արգանդի վզիկի քաղցկեղ։ Եթե արյունահոսությունը չափազանց ուժեղ է կամ այլ անհանգստություն է առաջացնում, արժե դիմել բժշկի:
