A1News.am-«Շենգավիթ» բժշկական կենտրոնը պարզաբանում է տարածել 40-ամյա կնոջ մահվան կապակցությամբ.
«Մամուլում շրջանառվող դեպքի կապակցությամբ ներկայացնում ենք մեր պաշտոնական տեսակետը
«Շենգավիթ» բժշկական կենտրոնը իր խորին ցավակցությունն է հայտնում պացիենտի ընտանիքի անդամներին և հարազատներին։
Հիվանդ Նուրբենկան Վիկտորիան ընդունվել է «Շենգավիթ» ԲԿ «Զույգ ձվարանների» կիստա ախտորոշմամբ, վիճակ` արգանդի բարձր վերհեշտոցային ապուտացիա, երկրորդային անպտղություն` 12 տարի, որի կապակցությամբ հիվանդը պլանային կարգով վիրահատվել է:
14.01.2022թ. ընդհանուր անզգայացմամբ իրականացվել է Լապարոսկոպիա: Ներվիրահատական առկա է եղել արտահայտված կպումային պրոցես՝ պայմանավորված նախկինում կրած միջային լապարոտոմիայով: Իրականացվել է կոնվերսիա, միջային լապարոտոմիա: Միջգալարային կպումներն անջատելուց հայտնաբերվել է բարակ աղիների դեսերոզացված հատվածներ: Վիրասրահ է հրավիրվել «Շենգավիթ» ԲԿ֊ի վիրաբուժական թիմը և կատարվել է տոտալ լապարոտոմիա, բարակ աղիների կպումների անջատում, և դեսերոզացված հատվածների մասնահատում մոտ 15սմ, ծայրը ծայրին էնտերո-էնտերո բերանակցման ձևավորում, ցիստէկտոմիա ձախից, երկկողմանի տուբէկտոմիա: Մոտակա հետվիրահատական շրջանն ընթացել է հարթ, աղիները գործել են, հիվանդի ընդհանուր վիճակը եղել է բավարար: Հետվիրահատական շրջանում 5-6-րդ օրերին հիվանդի վիճակը փոխվել Է։ Որովայնի սոնոգրաֆիկ և որովայնի Ռ-սկոպիկ քննությամբ առկա է եղել բարակ աղիքային անանցանելիության պատկեր: Իրականացվել են կոնսերվատիվ միջոցառումներ։ Հիվանդը գտնվել է դինամիկ հսկողության տակ։ Հիվանդի ընդհանուր վիճակը համեմատաբար բարելավվել է, աղիները գործել են մասնակի: Այնուհետև կատարվել է որովայնի օրգանների ՄՍԿՏ կոնտրաստային քննություն, առկա է եղել բարձր բարակ աղիքային կպումային անանցանելիության պատկեր: Չնայած կատարված կոմպլեքս կոնսերվատիվ միջոցառումներին, հիվանդի մոտ աղիքային անացանելիության պատկերը պահպանվել է, նազոգաստրալ զոնդից առկա է եղել աղիքային բնույթի արտադրություն:
Հրավիրվել է ներհիվանդանոցային կոնսիլիում և հաշվի առնելով բացասական դինամիկան՝ հիվանդի քաշի կորուստ մոտ 9-10կգ, լաբորատոր քննությունների շեղումները և կոնսերվատիվ միջոցառումների անարդյունավետությունը որոշվել է կատարել ռելապարոտոմիա` կպումների անջատում, բարակ աղու մասնատում բարակ աղիքային կոնգլոմերատի հեռացումով, կողք-կողքի յեյունո-իլեո բերանակցման ձևավորում, որովայնի խոռոչի սանացիա, դրենավորում:
Ընդհանուր անզգայացմամբ իրականացվել է տոտալ լապարոտոմիա։
Մոտակա հետվիրահատական շրջանը ընթացել է հարթ, դիտվել է դրական դինամիկա, հիվանդի ընդհանուր վիճակը եղել է համեմատաբար բավարար, աղիները գործել են: Սկսած հետվիրահատական շրջանի 4-5-րդ օրերից հիվանդի մոտ կրկին վիճակը փոխվել է։ Որովայնի սոնոգրաֆիկ և որովայնի Ռ-սկոպիկ քննությամբ առկա է եղել բարակ աղիքային անանցանելիության պատկեր: Հրավիրվել է կրկնակի կոնսիլիում՝ պրոֆեսոր Տեր-Ավետիքյան Զ. Ա.-ի գլխավորությամբ։ Որոշում է կայացվել հիվանդի բուժումը շարունակել կոնսերվատիվ:
Հաշվի առնելով ոչ սպեցիֆիկ կպումային պրոցեսի առկայությունը կատարվել է գենետիկ անալիզ պարբերական հիվանդության կապակցւթյամբ, վերջինս եղել է դրական: Այնուհետև կատարվել է որովայնի օրգանների ՄՍԿՏ կոնտրաստային քննություն, կրկին անգամ առկա է եղել բարձր բարակ աղիքային կպումային անանցանելիության պատկեր: Չնայած կատարված կոմպլեքս կոնսերվատիվ միջոցառումներին, հիվանդի մոտ աղիքային անացանելիության պատկերը կրկին պահպանվել է, նազոգաստրալ զոնդից առկա է եղել աղիքային բնույթի արտադրություն: Հիվանդը սնուցվել է պարէնտերալ եղանակով:
Կրկին հրավիրվել է կոնսիլիում պրոֆեսոր Տեր-Ավետիքյան Զ.Ա.-ի գլխավորությամբ և հաշվի առնելով բացասական դինամիկան և կոսերվատիվ միջոցառումների անարդյունավետությունը որոշվել է կատարել ռելապարոտոմիա` կպումների անջատում, բարակ աղու մասնատում` մոտ 20սմ, յեյունո-յեյունո ծայրը-ծայրին բերանակցման ձևավորում, որովայնի խոռոչի սանացիա, դրենավորում (որովայնի խոռոչում կրկին առկա է եղել խիստ արտահայտված կարծր կպումային պրոցես, տեխնիկապես մեծ դժվարությամբ հնարավոր է եղել կատարել անանցանելիության վերացում՝ աղիճ աղու մասնահատումով Տրեյտցի կապանից մոտ 20սմ դիստալ):
Հետագա հետվիրահատական շրջանում հիվանդը գտնվել է վերակենդանացման բաժանմունքում, ստանալով համապատասխան դեղորայքային բուժում:
04.03.22թ. նկատվել է հիվանդի ընդհանուր վիճակի վատացում: Ախտորոշվել է պերիտոնիտ, բերանակցման կարերի անբավարարություն, բարակ աղու պերֆորացիա, ինտոքսիկացիա:
Նորից հրավիրվել է կոնսիլիում և որոշվել է կատարել ռելապարոտոմիա:
Հետվիրահատական շրջանում հիվանդը գտնվել է վերակենդանացման բաժանմունքում, ստացել է համապատասխան դեղորայքային բուժում, պարէնտերալ և էնտերալ սնուցում միկրոյեյունոստոմայի միջոցով: Էնտերալ կերակրման արդյունքում հիվանդի աղիները սկսել են գործել:
10.03.22թ. հիվանդի մոտ դիտվել է ընդհանուր վիճակի վատացում, ջերմության բարձրացում մինչև 39.5OC, որովայնի խոռոչի դրենաժներից լեղասննդային բնույթի արտադրություն: Ախտորոշվել է լեղային պերիտոնիտ, ինտոքսիկացիա: Կրկնակի հրավիրվել է կոնսիլիում, որոշվել է կատարել ռելապարոտոմիա:
Հետվիրահատական շրջանում հիվանդը գտնվել է վերակենդանացման բաժանմունքում, ստացել է համապատասխան դեղորայքային բուժում, պարէնտերալ և էնտերալ սնուցում միկրոյեյունոստոմայի միջոցով: Հետագա օրերին որովայնի խոռոչի դրենաժներից կրկին անգամ նկատվել է լեղային բնույթի արտադրություն, միկրոյեյունոստոմայից ոչ լիարժեք սնուցում՝ սննդի հետհոսքի պատճառով:
15.03.22թ. Հարազատների ցանկությամբ հրավիրվել է կոնսիլիում պրոֆեսոր Սահակյան Ա. Մ. գլխավորությամբ և որոշվել է կատարել ռելապարոտոմիա, հնարավորինս իրականացնել վերականգնողական վիրահատություն։
Ռադիկալ վիրահատություն հնարավոր չի եղել կատարել՝ խիստ արտահայտված կարծր կպումային պրոցեսի պատճառով:
Հետագա օրերին հիվանդը գտնվել է վերակենդանացման բաժանմունքում, ընդհանուր վիճակը գնահատվել է ծանր, գիտակցությունը եղել է պարզ, լեզուն մաքուր` խոնավ: Ջերմությունը մինչև 3.7-39.2OC: Հիվանդը զննվել է նյարդաբանի, գաստրոէնտերոլոգի, լյարդաբան-վարակաբանի, ռևմատոլոգի, հոգեբանի, կրծքային վիրաբույժի կողմից:
Հիվանդը համեմատաբար եղել է ակտիվ, սնուցումը կատարվել է պարէնտերալ ճանապարհով։
24.03.22թ.Հիվանդի մոտ ի հայտ է եկել ձախ գոտկային շրջանի հանկարծակի սաստիկ ցավեր, ինքնազգացողության վատացում: Շտապ կարգով կատարվել է որովայնի խոռոչի ՈՒՁՀ, ՄՍԿՏ քննություն՝ ախտորոշվել է ձախ երիկամի վերին բևեռի արյունազեղված անգիոմիոլիպոմա, պարանևֆրալ հեմատոմայի ձևավորմամբ: Հրավիրվել է ուրոլոգիական ծառայության ղեկավարը և հաշվի առնելով հիվանդի ընդհանուր ծանր վիճակը որոշում է կայացվել հիվանդին կոնսերվատիվ բուժում իրականացնել և նշանակվել է դինամիկ հսկողություն: Դինամիկայում կատարված կրկնակի ՈՒՁՀ քննություններով հեմատոմայի հարաճում չի դիտվել: Հետագա օրերին հիվանդի ընդհանուր վիճակը եղել է ծանր, գտնվել է սեդատիվ պրեպարատների ազդեցության տակ: Սկսած 03.04.22թ. հիվանդի ընդհանուր վիճակը գնահատվել է ծայրահեղ ծանր, շնչառությունը հաճախացած, SpO2-85-92 թթվածնային օժանդակմամբ, ջերմությունը 37.0-39.2C: Աստիճանաբար նկատվել է ընդհանուր վիճակի վատացում, շնչառության դժվարացում, գիտակցությունը կիսամթագնած:
07.04.22թ. Ժ-10:00 դիտվել է հիվանդի վիճակի կտրուկ վատացում, հեմոդինամիկ ցուցանիշների անկայունություն, հարաճուն շնչառական անբավարարություն SpO2-80%: Հիվանդը ինտուբացվել է: 07.04.22թ. ժ-10:20 դիտվել է հիվանդի վիճակի էլ ավելի վատացում Զ/Ճ անկում, բրադիկարդիա անցումով ասիստոլիա: Շտապ կարգով կատարվել են վերակենդանացման միջոցառումներ, սակայն վերջիններս եղել են ոչ արդյունավետ և 07.04.22թ. Ժ-11:30-ին արձանագրվել է կենսաբանական մահ:
Այդ ամբողջ ամիսների ընթացքում «Շենգավիթ» բժշկական կենտրոնն ամեն կերպ աջակցել է հարազատներին բուժման ընթացքը ապահովելու համար, իսկ բուժանձնակազմը ցուցաբերել է բարձր պրոֆեսիոնալիզմ , հոգատարություն և խնամք։
Հարազատները որևէ դժգոհություն չեն ունեցել։
Ախտորոշում-Ձախ ձվարանի սերոզ ցիստադենոմա, երկկողմանի քրոնիկ սալպինգիտ, սերոզոցելլե աջից։ Վիճակ արգանդի բարձր վերհեշտոցային ապուտացիաից հետո:
Երկրորդային անպտղություն 12 տարի: Վիճակ լապարոսկոպիայից, կոնվերսիայից, ձախ ձվարանի կիստայի հեռացումից, երկկողմանի տուբէկտոմիաից, բարակ աղու մասնահատումից հետո: Բազմակի ռելապարոտոմիաներից, բարակ աղու մասնահատումներից, բերող գալարի արտաքին գործող դրենավորումից, տանող գալարի սնուցող միկրոյեյունոստոմայի ձևավորումից հետո: Անհայտ էթիոլոգիաի կպումային հիվանդություն: Լեղային պերիտոնիտ: Բարակ աղիքային բերանակցման կարերի անբավարարություն, բարակ աղու թափածակումներ: Լայնական հաստ աղու միջին երրորդականի առաջային մակերեսի պերֆորատիվ անցք: Լյարդային անբավարարություն: Անէմիա: Լեյկոցիտոպենիա: Թրոմբոցիտոպենիա: Երկկողմանի թոքաբորբ, հիդրոթորաքս: Պարբերական հիվանդություն: Բուժված HCV: Ձախ երիկամի վերին բևեռի արյունազեղված անգիոմիոլիպոմա, պարանևֆրալ հեմատոմայի ձևավորմամբ: Սեպսիս: Սուր սիրտ թոքային անբավարարություն:
Եվս մեկ անգամ «Շենգավիթ» բժշկական կենտրոնն իր խորին ցավակցությունն է հայտնում պացիենտի ընտանիքի անդամներին և հարազատներին։
Նշանակված է դատաբժշկական փորձաքննություն»։
