A1News.am-Նոր տարուց հետո առաջին անգամ հավի ձուն էականորեն էժանացել է։ MediaHub.am-ը ուսումնասիրել է, թե որքան արժե հավի ձուն փոքր ու միջին խանութներում ու սուպերմարկետներում։
Այս պահին ձուն՝ կախված չափից, վաճառվում է 30-55 դրամով։ Մինչդեռ դեկտեմբերին ձվի գինը տատանվում էր 100 դրամի սահմանում։
Մենք տնտեսվարողներից հետաքրքրվեցինք, թե ո՞րն է գնանկման պատճառը։ Որոշ տնտեսվարողներ վստահեցրեցին, որ որակական որևէ փոփոխություն չկա և գնանկումը բացառապես պայմանավորված է շուկայում ձվի լճացումով։ Նրանք նաև նշեցին, որ արտադրողների շրջանում բունտ է հասունանում, քանի որ ձուն այնքան է էժանացել, որ որոշ դեպքերում ոչ միայն շահույթ չեն ստանում, այլ աշխատում են վնասով։
