A1News.am-Հայկական արմատներով Ստեֆանը ծնվել է 1997 թվականի Դեկտեմբերի 24-ին Էստոնիայի Վիլյանդի քաղաքում։ Ստեֆանն ունի քույր՝ Ստեֆանիա անունով։
Ստեֆանը երգել է վաղ մանկությունից իր վոկալի ուսուցչուհու՝ Հեդի-Կայ Պայի հետ և հաղթել մի շարք մրցույթներում։ 2010 թվականին նա մասնակցել է Էստոնական հեռուստատեսության կողմից կազմակերպված «Լաուլկարուսել» երգի մրցույթին և հասել եզրափակիչ։
Նա չորս անգամ մասնակցել է Էստոնայի ազգային ընտրությանը` հաղթելով մեկ անգամ։ Նա առաջին անգամ մասնակցել է 2018 թվականին «Vaje» կոչվող դուետի կազմում՝ «Laura (Walk with Me)» երգով, որը գերեզրափակչում զբաղեցրել է երրորդ տեղը։ Նրա առաջին մենակատարումը եղել է 2019 թվականին՝ «Without You» երգով, որը հաղթեց ժյուրիի քվեարկությանը եզրափակչում և որակավորվեց գերեզրափակիչ՝ զբաղեցնելով երրորդ տեղը։
Այնուհետև նա մասնակցեց 2020 թվականին «By My Side» երգով, որը զբաղեցրեց յոթերորդ տեղը եզրափակիչում։
Նա հաղթեց Էստոնայի ազգային ընտրությանը 2022 թվականին՝ «Hope» երգով, որը թույլ տվեց նրան ներկայացնել Էստոնիան Եվրատեսիլ 2022 երգի մրցույթում։
Ստեֆանը իր քրոջ հետ կատարել է «Ով սիրուն, սիրուն» երգը,որն իրեն սովորեցրել է տատիկը։
