A1News.am-Սյունիքում Ռուստամ Մուրադովի մասնակցությամբ անցկացվող բանակցություններն ավարտվել են: Այս մասին Tert.am-ին հայտնեցին Պաշտպանության նախարարությունից:
Նախարարությունից այլ մանրամասներ չհաղորդեցին՝ նշելով, թե հայտարարություն կտարածվի:Գորիսի փոխքաղաքապետ Մենուա Հովսեփյանը տեղեկացրեց, որ բանակցությունները կշարունակվեն վաղը։
«Ըստ մեր ունեցած տեղեկությունների՝ բանակցություններն ավարտվել են, արդյունքներ չկան։ Ոչ մի հարցի շուրջ ընդհանուր հայտարարի չեն եկել»,-Tert.am-ի հետ զրույցում ասաց նա։
Հիշեցնենք, որ այսօր Սյունիքում ադրբեջանական կողմի հետ ընթացող բանակցություններին մասնակցում էր նաև ռուսական խաղաղապահ զորքերի հրամանատար Ռուստամ Մուրադովը։ Տեղեկությունը Tert.am-ի հետ զրույցում հայտնել էր Գորիսի քաղաքապետի տեղակալ Իրինա Յոլյանը։
Նա նշել էր, որ բանակցություններն ընթանում են Սյունիքի Ներքին Խնձորեսկ վարչական շրջանի տարածքում:
