A1News.am-Ճնշումը նախագահ Բայդենի վրա երկարատև է եղել, որպեսզի պատասխանատվության կանչի Թուրքիայի նախագահ Ռեջեփ Թայիփ Էրդողանին ժողովրդավարության և մարդու իրավունքների դեմ նրա վարած պատերազմի համար: Այս մասին գրում է America Magazine պարբերականը՝ անդրադառնալով Բայդենի ապրիլքսանչորսյան հայտարարությանն ու դրա ազդակներին:
«Թեև Թուրքիայի և ԱՄՆ-ի միջև հարաբերությունների երկարատև գերագնահատումը մարդու իրավունքների պաշտպանության և ամրապնդման խոստումնալից նշան է, մենք չպետք է մոռանանք դրա պատմական համատեքստը»,- գրում է պարբերականը:
Աղբյուրը նկատում է, որ ժամանակակից Թուրքիան կառուցվել է խորապես մութ ու մտահոգիչ հիմքի վրա, որը դեռ պետք է ճանաչել ավելի քան հարյուր տարի անց: «Ավելի քան 3 մլն հայ, հույն, ասորի, սիրիացի, ղպտի սպանվել են Օսմանյան կայսրության իրականացրած Ցեղասպանության ժամանակ՝ լինելով բնիկ քրիստոնյաներ»,- գրում է հոդվածագիրը:
Տասնամյակներ շարունակ Թուրքիան ոգեշնչվել է անպատժելիությունից, որը նրա համար ապահովել է միջազգային հանրությունը: Եվ այդ անպատժելիության արմատներն ամրապնդել են Թուրքիայի կողմից Ցեղասպանության ժխտման քաղաքականությունը: Պատմական անարդարությունների հարցում Թուրքիային հետ չառճակատվելու գինն այն է եղել, որ թուլացել է Վաշինգտոնի կարողությունը պատժամիջոցներ սահմանելու Էրդողանի դեմ՝ վերջերս տեղի ունեցող մարդու իրավունքների խախտումների համար: Այս ամենից հետո ինչպե՞ս կարող է ԱՄՆ-ն հույս ունենալ պատասխանատվության ենթարկելու Թուրքիային իր ներկայիս հանցագործությունների համար, երբ շարունակում էր անպատիժ թողնել Թուրքիային Ցեղասպանության հանցագործության համար»,- ընդգծում է հոդվածի հեղինակը:
Ըստ հեղինակի՝ Ցեղասպանության ճանաչումն առաջին գովելի քայլն է հայ ժողովրդի հանդեպ արդարության հաստատման և ԱՄՆ արտաքին քաղաքականության պատմության մեջ ամենաերկար «արգելքի ինշխանությանը» վերջն դնելու ճանապարհին:
«Այդ քայլն ազդակ կլինի Թուրքիային, որ իր անպատժելիության ժամանակաշրջանն ավարտվել է: Միւևնույն ժամանակ մենք պետք է գիտակցենք, որ 106 տարի առաջ սկսված ցեղասպանույունը դեռ չի ավարտվել: Այն շարունակվում է Թուրքիայի կողմից արդարության հաստատմանը խոչընդոտելու, ինչպես նաև հայ ժողովրդի նկատմամբ նրանց պատմական հողերում դրսևորվող ագրեսսիայի տեսքով»,- եզրափակում է պարբերականը:
Հիշեցնենք, որ ԱՄՆ 46-րդ նախագահ Ջո Բայդենը դարձել է ԱՄՆ առաջին ղեկավարը, որն իր ապրիլքսանչորսյան ուղերձում օգտագործել է «Հայոց ցեղասպանություն» եզրույթը:
