Տղամարդը հայհոյել ու հարվածել է «Հայփոստի» հղի աշխատակցուհուն (Տեսանյութ)

Իրադարձային a1news 2022-01-18 20:09:00 765
Հետևեք մեզ՝ Telegram-ում
2716773802311536490824366205985671479279561n_KUJ1U.jpg

A1News.am-Հունվարի 10-ին, ժամը 16-ի սահմաններում, մի տղամարդ մտել էր մայրաքաղաքի Երվանդ Քոչարի փողոցի «Հայփոստի» բաժանմունք և հայտնել, որ իր անունով արտասահմանից ուղարկված ծանրոցը ցանկանում է ստանալ։

«Հայփոստի» աշխատակցուհին ստուգելուց հետո հայտնել էր, որ նրա անունով ծանրոց չկա, ինչից հետո տղամարդը, կոպիտ կերպով խախտելով հասարակական կարգը, տևական ժամանակ հնչեցրել էր հայհոյանքներ, հարվածներ հասցրել «Հայփոստի» հղի աշխատակցուհուն և կոտրել բաժանմունքի գույքը։

Ներկաներից մեկն ահազանգել էր ոստիկանություն։

Դեպքի վայրում օպերատիվ-քննչական խմբերը պարզեցին կատարվածի հանգամանքները։

Խուլիգանության հատկանիշներով հարուցվեց քրեական գործ։ Ոստիկանության Կենտրոնական բաժնի Մարաշի բաժանմունքի ծառայողները օպերատիվ կերպով ճշտեցին տղամարդու ինքնությունն ու ձեռնարկեցին որոնողական միջոցառումներ՝ նրան հայտնաբերելու ուղղությամբ։

Հունվարի 14-ին Մարաշի ոստիկանները 39-ամյա տղամարդուն հայտնաբերեցին ու բերման ենթարկեցին։ Նա ներկայացվեց դեպքի նախաքննությունը վարող մարմնին, ձերբակալվեց, ապա կալանավորվեց։

Դեպքի հանգամանքները պարզվում են։ Նախաքննությունը շարունակվում է:

Տեսանյութը` վերում

Поделиться
Класс
Send