Ուկրաինան հայտնել է ռուս գերիների թիվը

Լուրեր a1news 2022-03-10 22:04:00 624
Հետևեք մեզ՝ Telegram-ում
usucichner-hanqaphorner-pahakn-n233502-1_YshZ7.jpg

A1News.am-Ուկրաինայում Ռուսաստանի հատուկ ռազմական գործողության ընթացքում գերի է ընկել 250-300 ռուս ժամկետային զինծառայող։ Այս մասին նախօրեին Մարկ Ֆեյգինին տված հարցազրույցում ասել է Ուկրաինայի նախագահի աշխատակազմի ղեկավարի խորհրդական Ալեքսեյ Արեստովիչը։

«Առնվազն 250-300-ն են, միայն ժամկետային զինծառայողներ են, այսօր հերթական ասուլիսն են տվել Կիևում, շատ հետաքրքիր բաներ են պատմել»,- ասել է Արեստովիչը։

Ըստ նրա՝ «խոսքը 15-րդ առանձին մոտոհրաձգային բրիգադի գերի վերցրած ժամկետային զինծառայող-հետախույզների մասին է, որոնք նախկինում կռվել են Սիրիայում, և խաղաղապահների մասին, որոնք եղել են Լեռնային Ղարաբաղում և կռվել Դոնբասում»։

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:

Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:

Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։

Поделиться
Класс
Send