Ում է հակացուցված բանան ուտել

Medicine a1news 2021-11-27 20:37:00 798
Հետևեք մեզ՝ Telegram-ում
couvbananesthumb_AfZa2.jpg

A1News.am-Բանանն ամենահամեղ ու օգտակար մրգերից է, սակայն այս մթերքը կարող է լուրջ առողջական խնդիրներ առաջացնել անգամ բացարձակապես առողջ մարդկանց մոտ:

Մասնագետները նշել են, թե որ դեպքերում է բանանը հակացուցված և ինչ խնդիրներ կարող է առաջացնել:

Վարիկոզ ու սրտի հիվանդություններ

Բանանը նպաստում է օրգանիզմից հեղուկի դուրսբերմանը՝ դրանով իսկ թանձրացնելով արյունը: Սա է պատճառը, որ բանանը խորհուրդ չի տրվում ուտել թրոմբոֆլեբիտի ու երակների վարիկոզ լայնացման դեպքում: Բացի այդ, այն հակացուցված է սրտի իշեմիկ հիվանդությամբ տառապողներին, ինչպես նաև սրտամկանի ինֆարկտ ու գլխուղեղի կաթված տարած անձանց:

Շաքարային դիաբետ

Շաքարային դիաբետի դեպքում գերհասած բանանների գործածությունը հարկավոր է սահմանափակել, սակայն միևնույն ժամանակ այս հիվանդությամբ տառապողների համար շատ օգտակար կարող են լինել չհասած ու եփված բանանները:

Զարկերակային գերճնշում

Զարկերակային բարձր ճնշման ու գերճնշման դեպքում նույնպես խորհուրդ չի տրվում բանան ուտել, ինչը պայմանավորված է այս մրգի՝ արյունը թանձրացնելու հատկությամբ:

Աղիների գրգռում

Որոշ մարդկանց մոտ բանանը հանգեցնում է լեղու հետհոսքի և նպաստում է գազերի կուտակման ու փորափքանքի առաջացման: Սա է պատճառը, որ բանանները հակացուցված են գրգռված աղու համախտանիշով տառապողներին:

Մարսողական խնդիրներ

Ստամոքսի հետ կապված խնդիրների դեպքում նույնպես բանանը կարող է վնասակար լինել, քանի որ բարձրացնում է ստամոքսահյութի թթվայնությունը: Բժիշկները նախազգուշացնում են, որ բանանը ոչ մի դեպքում չի կարելի ուտել դատարկ ստամոքսին, ինչպես նաև չի կարելի դրանից հետո ջուր խմել:

Ճարպակալում

Բանանների արհեստական հասունացումը նպաստում է նրան, որ դրանցում պարունակվող բարդ ածխաջրերի մի մասը կոնսերվացվում է և վերածվում գլիկեմիկ բարձր ինդեքսով ածխաջրերի, ինչն էլ բարձրացնում է արյան մեջ շաքարի մակարդակը: Արդյունքում նյութափոխանակությունը դանդաղում է, իսկ ճարպային հյուսվածքները սկսում են ավելանալ: Սա է պատճառը, որ քաշի հետ կապված խնդիրների դեպքում բանաններից հարկավոր է խուսափել:

Նյութի աղբյուրը՝ medikforum.ru

Поделиться
Класс
Send