A1News.am-Life.panorama.am-ը գրում է.
Ամերիկացի գիտնականներն ապացուցել են, որ օրական 1-2 բաժակ սուրճը վտանգավոր չէ, բայց այս ըմպելիքի չարաշահումը կարող է բացասաբար ազդել անգամ առողջ մարդու օրգանիզմի վրա: Գիտնականները նշել են նաև, թե ինչ հետևանքներ կարող են ծագել սուրճը չարաշահելու դեպքում:
Արյան բարձր ճնշում ունեցողները պետք է ձերբազատվեն օրական 4-5 բաժակ սուրճ խմելու սովորությունից, քանի որ սուրճը վատ է ազդում սրտի աշխատանքի և անոթների վրա, նպաստում է, որպեսզի արյան ճնշումն ավելի բարձրանա:
Հղի կանայք նույնպես պետք է չչարաշահեն սուրճը, քանի որ այն օրգանիզմից դուրս է բերում կալցիումը, իսկ ապագա մայրերն առանց այդ էլ շատ կալցիում են կորցնում, երբ ձևավորվում են պտղի ոսկորները:
