A1News.am-Երգչուհի Ռոզա Ֆիլբերգին շատերն են հիշում իր և եղբոր՝ Մգեր Արմենիայի համատեղ՝ «Հարազատ հոգի» զուգերից, որով սկիզբ դրվեց նրա երաժշտական կարիերային։ Դե իսկ հայտնի սցենարիստ Դիանա Գրիգորյանի «Նռան հատիկ» հեռուստասերիալը, որում գլխավոր հերոսուհուն մարմնավորեց Ռոզան, վերջնականապես ամրապնդեց նրա դիրքը հայ հայտնի արտիստների շարքում։
Բոլորովին այլ հարց է, թե որպես դերասանուհի որքան հաջող ստացվեց Ռոզայի ներկայանալը։ Ռոզան, սակայն, ժամանակ չկորցնելով և օգտագործելով սերիալի միջոցով ձեռք բերած իր մեծ հայտնիությունը՝ սկսեց մեկը մյուսի հետևից ներկայացնել իր երաժշտական նոր աշխատանքները՝ այդ կերպ մարդկանց շփոթության մեջ գցելով․ ցավոք, մարդիկ մինչև վերջ էլ չհասկացան՝ ի վերջո Ռոզա Ֆիլբերգը դերասանուհի է, թե՝ երգչուհի։
Ինչևէ, հուսանք գոնե Ռոզան շատ հստակ գիտի, թե դեպի ուր է գնում, թեև այս առումով էլ կասկածներ կան, քանի որ եթե ժամանակին մենք նրան ամեն օր տեսնում էինք հեռուստատեսությամբ և համացանցում, ապա արդեն տևական ժամանակ է, ինչ նրանից ոչ մի լուր չկա։
Ավելին, Instagram-ի իր էջում վերջին հրապարակումը Ռոզան կատարել է մայիսի 14-ին։ Այս ամենից հարց է առաջանում՝ ո՞ւր է կորել Ռոզա Ֆիլբերգը և ինչո՞ւ այլևս չի ներկայանում հանրությանը։ Հուսանք գոնե պատճառը նրա անձնական կյանքն է, քանի որ հիշեցնենք, որ Ռոզան արդեն մի քանի տարի է, ինչ նշանադրված է։
