A1News.am-Վաղվանից սկսելու է կիրառվել օրենքի նոր փոփոխությունը, որի համաձայն դիմակ կրելը և՛ բաց, և՛ փակ տարածքներում պարտադիր է լինելու։
Ուստի սպասեք, որ վաղվանից ականատես ենք լինելու տարբեր շոուների. -Ինչ-որ քաղաքացիներ լայվերը միացրած կփորձեն դրամատիկ տեսարաններ ստանալ, -Որոշները կփորձեն ցույց տալ, որ իրենք պարեկներից ավելի խելացի են ու կսկսեն անորոշ օրենքի դրույթներին հղում տալով տեսախցիկների առաջ խելացու տպավորություն թողնել,
-Մի քանիսն էլ կսադրեն պարեկներին ու կբարձրաձայնեն, որ Հայաստանում անասելի «բռնություններ» են իրականացվում։ Ամենակարևորը հետևյալ գիտակցումն է, որ պետք է ունենանք. քաղաքացիները չպետք է պարեկներին դիտարկեն որպես իրենց տուգանող «բոբոներ» և միայն նրանց տեսնելիս կրեն դիմակներ, իսկ պարեկներն էլ իրենց հերթին չպետք է քաղաքացիներին դիտարկեն որպես տուգանքի օբյեկտ ու պիտի փորձեն վերացնել քաղաքացու կողմից «ոստիկան երևույթի» վերաբերյալ դեռևս առկա այլ ընկալումները ու իրենց օրինական քայլերով իրականում նպաստեն երկրում համավարակի տարածման տեմպերի կրճատմանը։
