A1News.am-«Մեր ուժը, մեր համբերությունն անսպառ են, մեր պայքարը հանուն մեր երկրի է և մեր հայրենիքի: Նստում ենք ու սպասում այնքան ժամանակ, մինչև մեր հայրենակիցները միանան մեզ: Տարբեր ուղղություններից այս հրապարակ է գալիս մեր ժողովուրդը:
Ժողովուրդ, որ բարձրացրել է իր ձայնը և պայքարում է այս իշխանությունների դեմ: Հանրությունն արթնացել է, այլևս հնարավոր չի լինի կասեցնել ժողովրդի ընթացքը»,- քիչ առաջ հայտարարեց ցուցարարների հետ Բաղրամյան պողոտան փակած և նստացույց իրականացնող Արթուր Վանեցյանը: Հիշեցնենք, որ փակ է Բաղրամյան պողոտայի՝ դեպի Ֆրանսիայի հրապարակ տանող հատվածը: