A1News.am-Starnews-ը տեղեկացրել էր, որ օրեր առաջ ԱՄՆ-ի իր տանը մահացել էր հաղորդավար, հանդիսավար, բազմաթիվ երգերի հեղինակ Գևորգ Եղիազարյանը: Վերջինս սրտի հետ կապված խնդիրներ ուներ, իսկ մահից օրեր առաջ էլ պավաստվել էր կորոնավիրուսի դեմ:
Հայտնի է դարձել, որ Գևորգը մասնակցել է արցախյան առաջին պատերազմին, ավելին՝ վիրավորվել է: 1994 թվականին հունվարին նա մարտական դիրքերում հրազենային վիրավորում է ստացել, ավելին՝ անգամ խոսք է գնացել ոտքն անդամահատելու մասին: Սակայն զինվոր Գևորգը 14 օր շարունակ այդ վիճակում է մնացել՝ ձեռքի տակ եղած միջոցներով կարողանալով ապաքինվել:
Գևորգ Եղիազարյանի սրտի հիվանդությունն ավելի սրվեց արցախյան 44-օրյա պատերազմի ընթացքում, նա ամեն ինչ անում էր՝ փորձելով օվկիանոսից այն կողմ օգնել իր հայրենիքին ու հայրենակիցներին:
Հավելենք, որ Գևորգի ընտանիքը որոշում է կայացրել մարմինը տեղափոխել Հայաստան:
