A1News.am-Պուտինը չի սահմանափակվի Ուկրաինայի դեմ պատերազմով. Նա կարող է փորձել գրավել այլ երկրներ, այդ թվում՝ ՆԱՏՕ-ի անդամ: Այս մասին հայտարարել է ամերիկացի դիվանագետ Ռոբերտ Փիրսոնը The Hill-ի հոդվածում։
Դիվանագետի խոսքով՝ Պուտինը փորձում է վերադառնալ Ռուսական կայսրության սահմաններ։ Դա անելու համար նրան պետք է հասնել մի շարք եվրոպական երկրների նկատմամբ վերահսկողության։
Փիրսոնը նշել է, որ Պուտինի պոտենցիալ զոհերի ցուցակում ներառված են ոչ միայն Էստոնիան, Լատվիան և Լիտվան, այլև Լեհաստանը, Սլովակիան, Հունգարիան, Բուլղարիան և Մոլդովան։
«Մենք գիտենք, որ եթե Պուտինը մնա, նա ամեն ինչ կանի, որպեսզի հնարավորինս մեծացնի ռուսական ռազմական ներկայությունը Արևմուտքում: Նա կդրդի Մինսկին ավելի հնազանդվել Մոսկվային և ռուսական զորքերի ներկայությունը դարձնել մշտական, ինչպես Սիրիայում և Ղազախստանում: Նա կուժեղացնի գործունեությունը Կալինինգրադում և Ռուսաստանի Բալթյան սահմանների երկայնքով՝ որպես ահաբեկման միջոց բալթյան ՆԱՏՕ-ի, Լեհաստանի և Գերմանիայի դեմ»,- ասել է դիվանագետը:
Փիրսոնը նշել է, որ Պուտինը շահագրգռված է Ուկրաինայում հակամարտության սառեցմամբ։
Դիվանագետը կարծում է, որ ՆԱՏՕ-ի գլխավոր խնդիրը Ուկրաինայի դեմ ռուսական պատերազմի ավարտից հետո Եվրոպայի անվտանգության նոր համակարգի հարցում կողմնորոշվելն է։ Միաժամանակ նա ընդգծել է, որ Ռուսաստանի դեմ պատժամիջոցները հաղթանակ չեն լինի ԱՄՆ-ի կամ Դաշինքի համար, եթե չստիպեն Պուտինին դուրս բերել զորքերը Ուկրաինայից։ Այս դեպքում Եվրոպան ու ԱՄՆ-ը պետք է հասկանան, որ «պաշտպանություն խաղալը» բավարար չէ։
