A1News.am-Starnews-ն արդեն տեղեկացրել է, որ օրերս երգչուհի Լիլիթ Հովհաննիսյանը ներկայացրել է իր նոր՝ «Ti Ti Ti» երգի տեսահոլովակը։ Երգը ստեղծվել է Լիլիթ Հովհաննիսյանի առաջին հղիության ժամանակահատվածում և նվիրված է երգչուհու ապագա երեխային։
Սակայն մայրանալ պատրաստավող Լիլիթի նոր աշխատանքը, կարծես թե, միանշանակ չընդունվեց հայ հասարակության կողմից: Օրեր շարունակ բոլոր սոցհարթակներում քննակումների ու քննադատությունների մեծ ալիք էր՝ ուղղված երգչուհուն: Համացանցային օգտատերերը մեղադրում են Լիլիթին անորակ երաժշտություն ներկայացնելու մեջ՝ նշելով, որ երգչուհին պարզապես խայտառակել է ինքն իրեն՝ ներկայացնելով թուրքական ելևէջներով երգ:
Starnews-ի աչքից չի վրիպել այն փաստը, որ դեռ տարիներ առաջ`2012 թվականին, Լիլիթ Հովհաննիսյանը ներկայացրել էր իր հայտնի հիթ դարձած «TuTu Tu» երգը, որի հեղինակը կրկին երգչուհու ամուսինն էր՝ պրոդյուսեր Վահրամ Պետրոսյանը:
Կարելի է ասել, որ թե Վահրամին, թե Լիլիթին թվում է, որ տառային անիմաստ կապակցություններով կարելի է ոչ միայն երգ ստեղծել, այլև վստահ լինել, որ այն մեծ հաջողություն կգրանցի: Սակայն սրանով ամեն ինչ չի ավարտվում, ամենավատը, կարծես թե, դեռ առջևում է՝ հաշվի առնելով, որ հայերենն ազատ հնարավորություն է տալիս հնչյունային տարբեր կապակցություններ ստեղծելու, ինչը, վստահ ենք, կօգտագործեն նաև Վահրամն ու Լիլիթը՝ առանց հաշվի առնելու, որ շատ հաճախ դրանք որևէ իմաստ չեն արտահայտում: Դե ինչ, մեզ մնում է միայն «վախով» սպասել՝ տեսնելու՝ ինչ նոր գլուխգործոց կներկայացնի Լիլիթը ու կզարմացնի մեզ իր պրմիտիվ երգով ու անհասկանալի տեսահոլովակով:
