A1News.am-Հայաստանի մարզերում դեպոպուլյացիան շարունակվում է։ ՀՀ Վիճակագրական կոմիտեի հրապարակած տեղեկատվության համաձայն՝ այս տարվա առաջին կիսամյակում Հայաստանում ծնվել է 17 211 երեխա, մահացել է 16 627 մարդ։ Բնական հավելաճը կազմել է 584։
Թեև նախորդ տարվա առաջին կիսամյակի համեմատ այս տարվա նույն ժամանակահատվածում Հայաստանում գրանցված ծնունդներն աճել են 8.9 տոկոսով, սակայն մարզերի մեծ մասում դեպոպուլյացիան շարունակվում է։ Այսինքն՝ մարզերում մահերի թիվն ավելի շատ է, քան ծնունդներինը։ Մասնավորապես, առաջին կիսամյակում բացի Երևանից ու Գեղարքունիքից, մյուս բոլոր մարզերում գրանցվել է դեպոպուլյացիա։
ՀՀ մշտական բնակչության թվաքանակի ցուցանիշը 2021 թվականի հուլիսի 1-ի դրությամբ կազմել է 2 մլն 964.6 հազար մարդ, այդ թվում քաղաքայինը` 1 մլն 896.7 հազար, գյուղականը` 1 մլն 067.9 հազար մարդ: 2020 թվականի հուլիսի մեկի դրությամբ ՀՀ մշտական բնակչության թիվը կազմել էր 2 մլն 963.0 հազար։
Նյութի աղբյուր՝ Lragir.am
