A1News.am-Wildberries առցանց գնումների հարթակին լրացուցիչ ժամանակ կպահանջվի Հայաստանից ,Բելառուսից, Ղազախստանից, Ղրղզստանից, և Ուզբեկստանից գնորդների պատվիրված ապրանքների մասին տեղեկությունները «Առաքումներ» բաժնում թարմացնելու համար:
Այս մասին հայտնում են ընկերության պաշտոնական թելեգրամյան ալիքում։ Պատվիրած ապրանքները ստանալու համար ընկերությունը խնդրում է հիմնվել առաքման հասնելու նախապես նշված ժամկետների վրա։
«Օրինակ, եթե առաքումը նախատեսված է եղել մարտի 14-16-ը կամ մարտի 15-17-ը, ապա այն ստանալու համար կարող եք գնալ առաքման գրասենյակ։ Իսկ եթե առաքումը նախատեսված էր մարտի 18-ին կամ ավելի ուշ, ապա ընկերությունը բջջային հավելվածում կտեղեկացնի առաքման հասանելիության մասին»,–նշված է հաղորդագրության մեջ։
Գնորդներն իրենց պատվիրված ապրանքները կարող են ստանալ հետևյալ դեպքերում․ Եթե «Առաքումներ» բաժնում առկա է համապատասխան կոդը, ապա պատվիրատուն կարող է իր պատվերը ստանալ այդ կոդով։ Այդ կոդի բացակայության դեպքում պատվերը հնարավոր է ստանալ անուն ազգանունով, հեռախոսահամարի առաջին 3 թվանշաններով և անձը հաստատող փաստաթղթով:
Վերոնշյալ երկրների գնորդներն այսօրվանից կատարված պատվերները անմիջապես կտեսնեն իրենց անձնական հաշվի «Առաքումներ» բաժնում։