A1News.am-Ճանապարհային ոստիկանության 2-րդ սպայական գումարտակի 6-րդ վաշտի հետաքննիչ Անդրանիկ Խաչատրյանի կողմից նյութեր են նախապատրաստվում օգոստոսի 18-ին Սյունիքի մարզում տեղի ունեցած ավտովթարի փաստով։
Այդ օրը, ժամը 11։50-ի սահմաններում Երևան-Մեղրի ավտոճանապարհի 227 կմ հատվածում բախվել են BMW և Ford Transit մակնիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկություններիէ վթարի հետևանքով, բարեբախտաբար, տուժածներ չկան։
SHAMSHYAN.com-ի թղթակցի հետ զրույցում վթարի հարևանությամբ գտնվող գազալցակայանի աշխատակիցներն ասում էին, որ վարորդներին առաջինը օգնության է հասել Կապան քաղաքի բնակիչ մի երիտասարդ տղա, ով դեպի Երևան ընթանալիս է եղել, երբ նկատել է վթարը, մոտեցել և օգնություն է ցուցաբերել։
Օպերատիվորեն ժամանել են ՃՈ 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Գեղամ Մարգարյանի գլխավորությամբ։ Ոստիկանությունը պարզում է վարորդների ինքնությունը։ Բախման հետևանքով էլ BMW-ն հարվածել է երկաթե արգելապատնեշին, իսկ Ford-ն էլ հայտնվել է գազալցակայանի տարածքում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
