A1News.am-Ուկրաինայի նախագահ Վլադիմիր Զելենսկին Մեծ Բրիտանիայի Համայնքների պալատին ուղղված ուղերձում հստակ նշել է Ուկրաինայի առաջնահերթությունները Ռուսաստանի հետ պատերազմում։ Այդ մասին հայտնում է РБК-Украина-ն՝ երկրի ղեկավարի ելույթին հղումով։
Նախագահը հայտարարել է ուկրաինացիների պատրաստակամության մասին՝ «պայքարելու ագրեսորի դեմ մինչև հաղթական ավարտ»։ Նա նաև հույս է հայտնել, որ Լոնդոնը կշարունակի աջակցել Ուկրաինային։
«Չենք հանձնվելու և չենք պարտվելու, գնալու ենք մինչև վերջ, կռվելու ենք ծովերում, օդում ենք կռվելու: Մենք կպաշտպանենք մեր հողը, ինչ գնով էլ լինի:
Մենք պայքարելու ենք դաշտերում, անտառներում, ափերին, քաղաքներում և գյուղերում, փողոցներում… Մենք կպայքարենք ամենուր և չենք հանձնվի։ Իհարկե, ձեր օգնությամբ, քաղաքակրթությամբ, ձեր աջակցությամբ, ինչի համար մենք երախտապարտ ենք և ինչի վրա հույս ենք դնում»,- ասել է Զելենսկին։
